अमर घटारे, साम टिव्ही
अमरावती : अमरावतीचे (Amravati) अचलपूरचे आमदार बच्चू कडू (Bacchu Kadu) नेहमी कोणत्या ना कोणत्या कारणाने चर्चेत असतात. आता ते कार्यकर्त्याला मारहाण केल्याने चर्चेत आले आहेत. बच्चू कडू यांनी आपल्याच कार्यकर्त्याच्या कानशिलात लगावल्याचा व्हिडीओ सध्या व्हायरल होत आहे. (Bacchu Kadu News Today)
नेमकं काय घडलं?
अमरावतीच्या अचलपूर (Achalpur) तालुक्यातल्या गणोजा गावात बच्चू कडू उद्घाटनासाठी गेले होते. यावेळी कामकाजासंदर्भात त्यांचा वादविवाद झाला. या वादातच बच्चू कडू यांनी एका व्यक्तीच्या कानशिलात लगावली. ही व्यक्ती प्रहारचा कार्यकर्ता असल्याची चर्चा सोशल मीडियावर रंगली आहे.
यावेळी कार्यकर्ता आणि बच्चू कडू यांच्यात शाब्दिक बाचाबाची देखील झाली. या संपूर्ण प्रकाराचा व्हिडीओ व्हायरल होत असून यात ‘ऐकून घे आधी, शांत बस!’, असं म्हणत बच्चू कडू एका व्यक्तीला कानाखाली मारताना दिसत आहेत.
Edited By - Satish Daud
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
