Akola Crime News: नात्याला काळीमा! काका आणि भावासह तिघांकडून अल्पवयीन मुलीवर अत्याचार

>> जयेश गावंडे

अकोला : अकोला जिल्ह्यातील बाळापूर येथे संतापजनक घटना समोर आली आहे. एका 15 वर्षीय अल्पवयीन मुलीवर काका, मावस भाऊ व अन्य एकाने अत्याचार केल्याचा घृणास्पद प्रकार समोर आला आहे. नात्याला काळीमा फासणाऱ्या या घटनेने परिसरात एकच खळबळ उडाली आहे.

मिळालेल्या माहितीनुसार, बाळापूर येथून जवळच असलेल्या शेळद येथे ही घटना घडली आहे. 15 वर्षीय अल्पवयीन मुलगी ही घरी एकटी होती. हीच संधी पाहून तिचा काका रोशन भाऊसाहेब गवई, मावस भाऊ शुद्धोधन गोवर्धन अंभोरे तसेच गावातील ज्ञानेश्वर उर्फ लाल्या बंडू शेळके यांनी मुलीवर अत्याचार केले.

या तिघांनी मुलीवर शारीरिक संबंध प्रस्थापित करून अत्याचार केला. अल्पवयीन मुलीचे घरात कुणीही नसल्याचे पाहून वेगवेगळ्या बहाण्याने तिघांनी वेगवेगळ्या वेळी प्रवेश करून निरागस मुलीवर शारीरिक अत्याचार केले.

सदर घटनेप्रकरणी पीडित मुलीच्या नातेवाईकांनी दिलेल्या फिर्यादनुसार बाळापूर पोलिसांनी भादंवि कलम ३७६, ३७६ (अ) (ए) ३७८ (३) ३५४, ३५४ (ए) ५०६, ३४ तसेच अनुसूचित जाती-जमाती अधिनियम सहकलम ३, ४, ५, ६, ७, ८, पोटकलम ३ (२) अन्वये तिघांविरूध्द गुन्हा नोंदवून वरील तिघांविरुद्ध गुन्हा नोंदवून त्यांना ताब्यात घेतले आहे.