Milk Anudan Yojana : दूध उत्पादक शेतकऱ्यांना अर्थसंकल्पात मोठा दिलासा, मिळणार भरघोस अनुदान; जाणून घ्या सविस्तर माहिती

सहा महिन्यांपूर्वी म्हणजेच नोव्हेंबर-डिसेंबरमध्ये गाईच्या दुधात प्रतिलिटर २५ रुपयांपर्यंत पडझड झाली होती. त्यामुळे दूध उत्पादक शेतकऱ्यांचं मोठं नुकसान झालं होतं. दूध दरात सरकारने हस्तक्षेप करण्यासाठी शेतकरी संघटना आक्रमक झाल्या होत्या. मात्र आज युती सरकारच्या अंतरिम अर्थसंकल्पात गाईच्या दुधावर प्रतिलिटर ५ रुपयांचं अनुदान देण्याची घोषणा करण्यात आली आहे. त्यामुळे शेतकऱ्यांना थोडाफार दिलासा मिळाला आहे. सरकारकडून १ जुलैपासून हे अनुदान दिलं जाणार आहे.

गायीच्या दुधाच्या दरात कपात करण्यात आल्यानंतर राज्यासह नगर जिल्ह्यात गाईच्या दूध दराचा प्रश्न गंभीर बनला होता. त्यामुळे पशुसंवर्धन आणि दुग्धविकास मंत्री राधाकृष्ण विखे-पाटील यांनी गाईच्या दुधावर प्रतिलिटर पाच रुपयांचे अनुदान देण्याची योजना जाहीर केली होती. ही अनुदान योजना ११ जानेवारी ते १० फेब्रुवारी २०२४ या काळात शेतकऱ्यांनी दूध संघांना घातलेल्या दुधासाठी जाहीर करण्यात आली होती. मात्र त्यानंतरही दूध संघांकडून दुधाच्या दरात वाढ केली नव्हती.

आता विक्रेते, ग्राहक नाराज

दूध उत्पादक शेतकरी नाराज, जास्त दरामुळे ग्राहक नाराज तर कमिशन कमी मिळत असल्याने विक्रेते देखील नाराज आहेत. पिशवी बंद दुधाच्या विक्रीची पुण्यातील ही स्थिती आहे. पुण्यात म्हशीचे दूध ७२ रुपये प्रती लिटर दराने विकले जात आहे. गोकुळ, कात्रज, चितळे अशा पुण्यातील सर्व प्रमुख ब्रॅंडचा हा दर आहे. ⁠तर, गायीचे दूध ५६ रुपये प्रती लिटर दराने विकले जात आहे. ⁠दुधाचा हा दर जास्त असल्याचं सामान्य ग्राहकांचे म्हणणे आहे. तर, दर जास्त असले तरी, विक्रेत्यांना मिळणारे कमिशन अल्प/ कमी असल्याचे विक्रेत्यांचे म्हणणे आहे.

पुण्यात गाई आणि म्हशीच्या सुट्या / खुल्या दुधाचे दर देखील पॅकींग दुधाच्या दराबोरबरच आहेत.

सुट्या दुधाचे दर

१. जर्सी गायीचे दूध - ५४ रुपये लिटर

२. ⁠देशी गाईचे दूध - ७५ रुपये लिटर

३. ⁠म्हशीचे दूध - ६८ रुपये लिटर

सुटे दूध विक्री करणाऱ्या बहुतेक विक्रेते स्वतः दूध उत्पादक आहेत. तसेच ते शेतकऱ्यांकडून देखील दूध खरेदी करून विक्री करतात.