नंदुरबार जिल्ह्यात मुसळधार पावसाचा हवामान विभागाकडून इशारा.

मागील काही तासांपासून नंदुरबार जिल्ह्यात मध्यम स्वरूपाच्या पाऊस पडत असून अजून पुढील काही तासात मुसळधार पाऊस पडणार असल्याचा इशारा हवामान विभागाने दिला आहे.Meteorological Department warns of heavy rains in Nandurbar district

सर्व राज्यात काही दिवसांपासून पावसाने हाहाकार(Heavy Rain) माजवला आहे यामुळे अनेक ठिकाणी महापूर आला आहे तर अनेक ठिकाणी दरड कोसळून नागरिकांना प्राणही गमवावे लागले आहेत. मात्र नंदुरबार(Nandurbaar District) जिल्ह्यामध्ये एक जून ते आत्तापर्यंत पावसाची सरासरी अत्यंत कमी होती. जवळपास जिल्ह्यात 32 टक्के पाऊस झाला आहे. त्यामुळे खरीप हंगामातील पिकांची स्थिती नाजूक आहे.

जिल्ह्यात रविवारी सकाळपासून शहरी भागासह ग्रामीण भागामंध्ये काही ठिकाणी मध्यम ते काही ठिकाणी हलक्‍या स्वरूपाच्या पावसाने हजेरी लावली आहे. तसेच पुढील काही तासात जिल्ह्यातील काही भागात मुसळधार पाऊस पडण्याची शक्यता असल्याचा इशारा हवामान विभागाने दिला आहे.Meteorological Department

अखेर आज सुरू झालेल्या पावसाच्या हलक्या सरींमुळे शेतकऱ्यांमध्ये आनंदाचे वातावरण निर्माण झाले आहे. तसेच या पावसामुळे खरीप हंगामातील अनेक पिकांना फायदा होणार असल्याचं मत नंदुरबार मधील शेतकऱ्यांच आहे.

दरम्यान गेल्या 50 दिवसात पावसाने दडी मारल्याने जिल्ह्यातील नदी नाल्यांना प्रवाह सुरू झालेला नाही त्यामुळे मुसळधार पावसाची गरज असून नदी-नाले देखील पहिल्या पुराच्या प्रतीक्षेत आहे. पुढील काही तासात हवामान विभागाने वर्तवलेल्या पावसामुळे जिल्हा प्रशासनाने नागरिकांना सतर्क राहण्याचे आवाहनही केले आहे.

Edited By - Jagdish Patil