Lonavala News : विधानसभेत सुशिक्षित उमेदवार जाऊ दे; मुंबईतील मच्छिमार, कोळी बांधवांचे एकविरा देवीला साकडे

मावळ : विधानसभा निवडणुकीच्या रिंगणात उभ्या असलेल्या उमेदवारांमधून कोण विधानसभेत जाणार हे अजून तरी सांगणे कठीण आहे. मात्र लोणावळ्यातील आई एकविरा देवीला मुंबईतील मच्छीमार, आगरी व कोळी बांधवांनी सुशिक्षित उमेदवार विधानसभेत जावा अशी प्रार्थना करत देवीला साकडे घातले आहे. 

सध्या विधानसभा निवडणुकीची (Vidhan Sabha Election) रणधुमाळी सुरू आहे. बहुतांश मतदारसंघात तिरंगी, चौरंगी लढत होणार असल्याचे चित्र आहे. यात बंडखोरीमुळे डोकेदुखी वाढली असून कोण निवडणार सांगणे सध्यातरी अवघड आहे. दरम्यान नवी मुंबईतील मच्छीमार, आगरी, कोळी बांधव हे (Lonavala) लोणावळ्यातील कार्ला एकविरा देवीच्या चरणी नतमस्तक झाले. नवी मुंबईतील बेलापूर मतदारसंघात तिरंगी लढत असून सुशिक्षित उमेदवार हा विधानसभेत जावा; असं साकडं आई एकविरा चरणी घालण्यात आले. 

अपक्ष उमेदवाराला दिलाय पाठिंबा 

नवी मुंबईतील मच्छीमार संघटना, आगरी, कोळी बांधव यांनी बेलापूर मतदारसंघातील अपक्ष उमेदवार विजय नाहटा यांना पाठिंबा दिला असून आई एकविरा मंदिरात त्यांनी ही घोषणा केली. तसेच बेलापूर मतदारसंघातून सुशिक्षित उमेदवारच विधानसभेत जाऊ दे अस साकडं लोणावळ्यातील कार्ला एकविरा देवीच्या चरणी त्यांनी घातले आहे.