Marathwada Water Storage : जायकवाडी धरणाचा पाणीसाठा ८५ टक्क्यांवर; मराठवाड्यातील इतर १० धरणांची स्थिती काय? वाचा एका क्लिकवर

डॉ. माधव सावरगावे

मराठवाड्यातील जायकवाडी धरणाचा पाणीसाठा आज ८५ टक्क्यांवर पोहचला आहे. शिवाय बीड जिल्ह्यातील माजलगाव प्रकल्प वगळता मराठवाड्यातील इतर धरण प्रकल्पा तील पाणीसाठ्यात वाढ होऊ लागलीय. त्यामुळे मराठवाड्यातील पिण्याच्या पाण्याची चिंता हळूहळू दूर होऊ लागली आहे. मराठवाड्यातील लातूर, धाराशिव, नांदेड, परभणी या भागामध्ये काही ठिकाणी सुरू आहे.

जायकवाडी धरणाचा पाणीसाठा ८५ टक्क्यांवर

आज जालना, संभाजीनगर जिल्ह्यात ढगाळ वातावरण आहे. त्यामुळे आणखी पाऊस पडेल अशी शक्यता आहे. उसावर प्रकल्प आणि धरणांमधील पाणी साठ्यात चांगलीच वाढ (Marathwada Water Storage latest Update) होईल. पिण्याच्या पाण्यासोबतच सिंचनासाठी या पाण्याची मदत होईल, असा अंदाज वर्तवला जात आहे. आपण मराठवाड्यातील १२ धरणांमध्ये एकूण किती पाणीसाठा आहे? हे सविस्तर जाणून घेवू या.

मराठवाड्यातील प्रमुख प्रकल्पांतील जलसाठा

मराठवाड्यातील पाणीसाठ्यासंदर्भात सविस्तर वृत्त असे की, जायकवाडी धरणामध्ये ८५ टक्के, निम्न दुधना प्रकल्पातील पाणीसाठा २४.१० टक्के तर येलदरी प्रकल्पातील पाणीसाठी ४१.४६ टक्के (Marathwada Water Storage) आहे. सिद्धेश्वर धरणातील पाणीसाठा ७८.२८ टक्के, माजलगाव धरणातील पाणीसाठ्याची अधिकृत आकडेवारी मिळालेली नाही. मांजरा प्रकल्पात सद्यस्थितीला ३९.८० टक्के पाणीसाठा आहे, तर पैनगंगा प्रकल्पात ६६.५१ टक्के पाणीसाठा आहे.

उद्या अतिमुसळधार पावसाची शक्यता

मानार प्रकल्प पूर्ण क्षमतेने भरलाय. तर निम्न तेरणा प्रकल्पामध्ये ३४.०९ टक्के पाणीसाठा (Jayakwadi dam Water Storage) आहे. विष्णुपुरी प्रकल्पात ८६.५३ टक्के पाणीसाठा आहे, तर सीना कोळेगाव प्रकल्पात ९.७ टक्के पाणीसाठा आहे. मराठवाड्यातील ८ जिल्ह्यांमध्ये उद्या अतिमुसळधार पावसाची शक्यता (Rain Alert To Marathwada) हवामान विभागाने वर्तवविलीय. त्यामुळे धरण क्षेत्रात पुन्हा पाऊस झाल्यास पाणीपातळीत आणखी वाढ होण्याची शक्यता वर्तवली जातेय. यंदा मराठवाड्यातील पाणीसाठ्याची स्थिती चांगली असल्याचं दिसतंय.