Chhatrapati Shivaji Maharaj : कोश्यारी हटाव; उद्या महाराष्ट्रातील 'या' जिल्ह्यात बंद

Chhatrapati Shivaji Maharaj : राज्यपाल भगतसिंग कोश्यारी यांना राज्यपाल पदावरुन हटवण्याच्या मागणीसाठी उद्या (बुधवार) जालना जिल्हा बंदची (jalna bandh) हाक देण्यात आली आहे. मराठा क्रांती मोर्चाने हे आवाहन केले आहे. (Maharashtra News)

या बंदला महाविकास आघाडीसह (mva) समविचारी पक्ष, सामाजिक संघटना, व्यापारी संघटनांनी पाठिंबा दिला आहे. अत्यावश्यक सेवा वगळता सर्व व्यवहार बंद ठेऊन या बंदला सहकार्य करावं असं आवाहन मराठा क्रांती मोर्चाच्या पदाधिकाऱ्यांनी केले आहे.

हा बंद पाळूनही राज्यपालांची हकालपट्टी झाली नाही तर "राजभवनात घुसून राज्यपालांचं धोतर खेचू" असा इशारा मराठा क्रांती मोर्चा संघटनेच्या पदाधिकाऱ्यांनी दिला आहे. यावेळी अरविंद देशमुख (समन्वयक, मराठा क्रांती मोर्चा, जालना (jalna) तसेच जगन्नाथ काकडे (पदाधिकारी, समविचारी राजकीय पक्ष कृती समिती) आदी उपस्थित हाेते.

Edited By : Siddharth Latkar