Manoj Jarange Patil : मनोज जरांगेंचा पुन्हा सरकारला अल्टिमेटम; आरक्षण दिलं नाही तर या तारखेला उग्र आंदोलनाचा इशारा

मनोज जरांगे पाटील यांनी पुन्हा एकदा राज्य सरकारला आंदोलनाचा इशारा दिला आहे. 6 जूनपर्यंत आरक्षण द्या अन्यथा हे आंदोलन खूप मोठं होईल असं जरांगेंनी म्हटलं आहे. 21 ते 24 तारीख पर्यंत दौरा आहे त्यामुळे मी रुग्णालयातून सुट्टी घेतलेली आहे आणि चार जूनला आंतरवाली सराटीमध्ये आमरण उपोषणाला सुरुवात होणार आहे. आरक्षण घेतल्याशिवाय मी हटणार नाही, असा निर्धारही त्यांनी केला आहे.

आम्हाला लोकसभेच्या गुलालात पळायचं नसून आम्हाला आमच्या आरक्षणाच्या गुलालात पडायचं आहे. तो गुलाल आमच्यासाठी महत्त्वाचा आहे. कारण आमची लेकरं मोठी झाली तर त्यांचं कल्याण होईल. त्यामुळे आमच्या न्यायासाठी आम्ही अंतरवालीत एकवटणार आहोत. मराठा आणि कुणबी एकच आहे, सगेसोयरे अंमलबजावणी करावी हैदराबादचा गॅझेट लागू करावा ही आमची प्रमुख मागणी आहे. ठरल्याप्रमाणे आम्हाला 6 जूनपर्यंत आरक्षण द्यावं, अन्यथा हे आंदोलन खूप मोठं होईल.