![Manoj Jarange Patil News: जरांगेंच्या निशाण्यावर पुन्हा भुजबळ; ओबीसी महामंडळ खाल्ल्याचा आरोप](http://media.assettype.com/saamtv%2F2024-05%2F7e9bfb8c-2903-4180-935b-47521befad03%2FManoj_Jarange.jpg?w=480&auto=format%2Ccompress&fit=max)
भरत मोहळकर, साम टीव्ही प्रतिनिधी
लोकसभा निवडणूक झाली आणि पुन्हा एकदा मनोज जरांगे पाटील यांनी पुन्हा एकदा छगन भुजबळांवर तोफ डागलीय. छगन भुजबळांनी ओबीसी महामंडळ खाल्ल्याचा गंभीर आरोप मनोज जरांगे पाटलांनी केलाय. याशिवाय हलक्यात घेऊ नका असा इशाराही त्यांनी सरकारला दिलाय. त्यामुळे मनोज जरांगे-पाटील विरूद्ध छगन भुजबळ असा संघर्ष पुन्हा एकदा पाहायला मिळण्याची शक्यता आहे.
लोकसभा निवडणूकीच्या काळात थेट राजकीय भूमिका न घेणाऱ्या मनोज जरांगे पाटलांनी निवडणूक संपताच पुन्हा एकदा भुजबळांवर जोरदार प्रहार केलाय. मला बधीर समजता का? असा सवाल करत अतिशय खालच्या पातळीवर मनोज जरांगे पाटील यांनी भुजबळांना सुनावलं आहे.
मनोज जरांगे पाटलांनी मराठा समाजाला ओबीसीतून आरक्षणाची मागणी करत राज्यभर रान पेटवलं होतं. तर दुसरीकडे छगन भुजबळांनी ओबीसी एल्गार सभांच्या माध्यमातून मनोज जरांगेंना उत्तर दिलं होतं. जरांगेंनी केवळ भुजबळच नव्हे तर सरकारलाही सुनावलंय. मराठा आरक्षणाच्या आंदोलनाला हलक्यात घेऊ नका असा थेट इशाराच जरांगेंनी दिलाय.
लोकसभा निवडणूक संपताच जरांगे पाटील पुन्हा आक्रमक झाले आहेत. त्यातच त्यांनी 4 जूनला अंतरवली सराटीत उपोषणाची हाक दिलीय. यानिमित्तानं त्यांनी पुन्हा भुजबळांना निशाण्यावर घेतलंय. त्यामुळे येत्या काळात जरांगे विरुद्ध भुजबळ असा संघर्ष पेटणार हे नक्की.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.