पुराने वेढा दिलेल्या वडफळी शासकीय आश्रम शाळेचे मोठे आर्थिक नुकसान

नंदुरबार - अक्कलकुवा अति दुर्गम भागातील शासकीय आश्रम शाळा वडफळी येथे मुसळधार पावसाने देवगंगा नदीला आलेल्या पुराने शाळेला वेडा घेतला होता. देव गंगा नदीचे पाणी शाळेच्या (School) इमारतीत व पटांगणातून वाहत नदीचे स्वरूप आले होते. दरम्यान गावातही पुराचे पाणी घुसल्याने अनेक घरातील जीवनावश्यक वस्तूंचे नुकसान झाले आहे. ((Nandurbar News Today))

हे देखील पाहा -

मोठ्या शर्तीने गावकरी व शाळा प्रशासनाने अडकलेल्या विद्यार्थ्यांना दोरीच्या सहाय्याने सुरक्षित स्थळी हलविल्याने जीवित हानी टळली होती. मात्र प्रशासकीय कागदपत्रांसह विद्यार्थ्यांच्या शैक्षणिक वस्तू पेटी वाहून गेल्याची माहिती समोर येत आहे. तसेच धान्याच्या कोठारामध्ये पुराचे पाणी घुसल्याने नुकसान झाले आहे. शाळेच्या पटांगणात चिखल झाला आहे. शाळेच्या नवीन इमारतीचे बांधकाम सुरू होते दरम्यान पुरामुळे बांधकाम साहित्य देखील वाहून गेले आहे. पावसाचा जोर कमी झाला असून वडफळी शासकीय आश्रम शाळेत नुकसान झाल्याच्या मालाची पंचनामा झाल्यानंतर सविस्तर माहिती समोर येणार आहे.

विशेष म्हणजे शासकीय आश्रम शाळा वडफळी देवगंगा नदीच्या कडेवर असल्याने शाळेला आणि वडफळी गावातील इतर पाड्यावर देखील नदीकिनारी संरक्षक भिंत नसल्याची बाब समोर आली आहे. संरक्षक भिंत नसल्यामुळे पुराचे पाणी गावात व शाळेत आल्याने मोठे आर्थिक नुकसान सहन करावे लागले आहे. अतिवृष्टीमुळे बाधित झाल्याने अक्कलकुवा तालुक्यातील शाळांना दोन दिवस प्रशासनाच्या वतीने सुट्टी जाहीर करण्यात आली आहे. (Nandurbar Rain News)