Karad News : विद्युत महावितरण कंपनीचा भोंगळ कारभाराचा प्रकार कराड तालुक्यातील नांदगाव येथे समोर आला आहे. कनेक्शन नाही, वीज वापर नाही तरीही शेतक-यास 9 हजार आठशे पन्नास रुपयांच बिल देण्यात आले आहे. यामुळे शेतकरी कुटुंबास माेठा धक्का बसला आहे. (Maharashtra News)
नांदगाव येथील शेतकरी महादेव पाटील यांनी साडे सात एचपी पाण्याच्या पंपासाठी वीज कनेक्शन मिळावा म्हणून विद्युत कंपनीकडे अर्ज केला होता. त्यानंतर वर्षभर महादेव पाटील यांना कनेक्शनची वाट पाहावी लागली.
आजपर्यंत वीज कनेक्शन न मिळालेल्या पाटील यांच्या थेट वीजबिलच हातात पडले. तेही तब्बल 9 हजार आठशे पन्नास रुपयांचे. हे बिल पाहून पाटील यांच्या कुटुंबास धक्का बसला. कनेक्शन नाही, वीज वापर नाही तरीही बिल पाठविल्याने त्यांनी महावितरण कार्यालयात दाद मागितली.
तेथे त्यांना अधिकाऱ्यांनी बिल भरा असं सांगण्यात आलं आहे. त्यामुळे आता महादेव पाटील संतप्त झाले. साम टीव्हीशी बाेलताना त्यांनी शेतक-यांसमवेत महावितरणच्या विराेधात आंदोलन छेडणार असल्याचे स्पष्ट केले.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
