Maharashtra Monsoon Update : मुंबईत पावसाची दांडी, विदर्भात आज विजांच्या कडकटासह तुफान पाऊस; कोणत्या जिल्ह्यांना अलर्ट?

राज्यात पावसाचा जोर कमी झाला असून काही ठिकाणी ऊन सावल्यांचा खेळ सुरु आहे. हवामान खात्याच्या माहितीनुसार आज राज्यात ढगाळ वातावरण असणार आहे. मात्र विदर्भात विजांच्या कडकडाटासह पावसाच्या सरींची शक्यता आहे. तसेच तुरळक ठिकाणी हलक्या सरींची शक्यता आहे.

बुधवारी सकाळपर्यंत २४ तासांमध्ये कोकण, घाटमाथा आणि मध्य महाराष्ट्र आणि विदर्भात काही ठिकाणी हलक्या ते जोरदार सरींनी हजेरी लावली. गुरुवारपासून मात्र पावसाचा जोर ओसरला आहे. गेले काही दिवस सतत पाऊस पडल्याने कमाल तापमानाचा पारा सातत्याने ३० अंशांच्या खाली आहे. तसेच सोलापूर येथे राज्यातील उच्चांकी ३१.८ अंश सेल्सिअस तापमानाची नोंद झाली.

महिन्याच्या अखेरीस राज्यात पावसाने उघडीप दिली असून राज्यात ऊन सावल्यांचा खेळ सुरू आहे. आज अमरावती, वर्धा, नागपूर, भंडारा, गोंदिया, चंद्रपूर, गडचिरोली जिल्ह्यात विजांसह पावसाच्या सरींची शक्यता असल्याने येलो अलर्ट देण्यात आला आहे. उर्वरित राज्यात ढगाळ हवामानासह हलक्या पावसाची शक्यता हवामान विभागाने वर्तविली आहे.

बुधवारी राज्यातील तापमान कसे होते? जाणून घ्या

ठिकाण - तापमान कमाल - तापमान किमान

पुणे - २७.५ - २१.९

‎‎धुळे - २९.० - २०.०

जळगाव - २७.६ - २३.३

जेऊर - ३१.५ - २१.०

‎‎कोल्हापूर - २४.९ - २१.७

‎महाबळेश्वर - १८.९ - १७.६

मालेगाव - २६.४ - २०.८

नाशिक - २६.३ - २२.२

‎निफाड - २७.७ - २२.२

‎सांगली - २८.१ - २२.०

‎सातारा - २५.६ - २२.०

‎सोलापूर - ३१.८ - २३.८

‎सांताक्रूझ - २९.६ - २६.०

डहाणू - २९.२ - २५.०

‎रत्नागिरी - २९.५ - २४.५

छत्रपती संभाजीनगर - २६.४ - २२.४

‎धाराशिव - २८.१ - २१.२

‎परभणी - २७.५ - २२.५

‎‎अकोला - २७.० - २३.७

अमरावती - २५.४ - २१.५

भंडारा - २७.० - २३.०

बुलडाणा - २५.४ - २२.२

‎चंद्रपूर - २७.२ - २३.६

‎गडचिरोली - २६.२ - २२.८

‎गोंदिया - २७.१ - २३.४

‎नागपूर - २५.७ - २३.६