Maharashtra Politics: ठाकरेंसाठी अस्तित्वाची लढाई? मुंबई महापालिका कोण जिंकणार?

मुंबई महापालिकेची प्रभाग रचना जाहीर झाली आणि ठाकरेसेनेसह इतर पक्षांनी महापालिका निवडणुकीसाठी कार्यकर्त्यांच्या बैठकी घेण्यास सुरुवात केली. मात्र 25 वर्षांपासून मुंबई महापालिकेवर सत्तेत असणाऱ्या शिवसेनेत फुटीनंतर महापालिका कोण जिंकणार याकडे अनेकाचं लक्ष लागलयं. मात्र मुंबई महापालिकेची निवडणूक ठाकरेसेनेसाठी अस्तित्वाची लढाई असणार आहे..

शिंदेसेनेने गेल्या दोन वर्षात शिवसेनेतील 103 हून अधिक माजी नगरसेवक गळाला लावलेत. 236 प्रभागांची संख्या असती तर नव्या प्रभागात पारंपारिक मतदार ठाकरेसेनेकडे वळला असता. मात्र आता जुन्या रचनेमुळे नव्याने उमेदवार उभे करावे लागतील. माजी नगरसेवक शिंदेसेनेत गेल्यानं संघटनशक्ती कमकुवत झालीय. पालिका क्षेत्रात भाजपची ताकद वाढलेली पाहायला मिळतेय. त्यामुळे शिंदेसेना- भाजपनं पालिकेत बहुमत मिळवल्यास याचा परिणाम 2029 च्या विधानसभा निवडणुकीवर होण्याची शक्यता. ठाकरे बंधूंचं पॅनेल बेस्ट पतपेढी निवडणुकीत पराभूत झाल्यानं कामगार वर्गावरील पकड कमी झाल्याचं उघड.

महापालिका निवडणुकीआधी ठाकरे बंधूंच्या युतीची चर्चा वारंवार केली जातेय. मात्र अद्याप मनसे आणि ठाकरे सेनेच्या युतीची अधिकृत घोषणा झालेली नाही. त्यामुळे कार्यकर्त्यांमध्ये संभ्रम आहे. ठाकरेसेनेसाठी पालिका निवडणुक आरपारची लढाई असणार आहे. आता पालिकेवर पुन्हा वर्चस्व मिळवण्यासाठी ठाकरेसेना कोणती रणनिती आखते? हे पाहणं महत्त्वाचं ठरणार आहे..