Maharashtra Politics : निवडणूक आयोगाच्या निर्णयाविरोधातील ठाकरे गटाच्या याचिकेवर उद्या खंडपीठासमोर होणार सुनावणी

Maharashtra Politics : शिवसेना पक्षाचे नाव आणि चिन्ह शिंदे गटाला देण्याचा निर्णय केंद्रीय निवडणूक आयोगाने दिला आहे. या निर्णयाविरोधात ठाकरे गटाने केलेल्या याचिकेवर उद्या दुपारी ३:३० वाजता सुनावणी होणार आहे.

या प्रकरणाची सुनावणी ५ न्यायाधीशांच्या घटनापीठासमोर करावी अशी विनंती ठाकरे गटाने केली होती. मात्र, ही सुनावणी सरन्यायाधीशांच्या अध्यक्षतेखालील ३ न्यायाधीशांच्या खंडापीठासमोर होणार आहे.

निवडणूक आयोगाने शिवसेनेचे नाव आणि निवडणूक चिन्ह एकनाथ शिंदे गटाला दिल्यानंतर ठाकरे गटाकडून हा निर्णय पक्षपातीपणाचा असल्याचा आरोप करण्यात आला होता. तसेच निवडणूक आयोगाने दबावाखाली हा निर्णय घेतल्याचा आरोप देखील उद्धव ठाकरे गटाकडून करण्यात आला. या निकालाविरोधात ठाकरे गटाने सर्वोच्च्य न्यायालायत धाव घेतली आहे. या याचिकेवर आता बुधवारी दुपारी ३ वाजता सुनावणी होणार आहे.

निवडणूक आयोगाने दिलेला निर्णय सदोष असल्याचे सांगत ठाकरे गटाने सर्वोच्च न्यायालयाला या निर्णयाला स्थगिती देण्यासंदर्भात याचिका दाखल केलेली आहे. परंतु ठाकरे गटाने ही याचिका दाखल करण्याधीच निवडणूक आयोगाच्या या निर्णयानंतर एकनाथ शिंदे यांच्या नेतृत्वाखालील शिवसेनेने सर्वोच्च न्यायालयात कॅव्हेट दाखल केले आहे. आमची बाजून ऐकूण घेतल्याशिवाय कोणताही निर्णय देऊन नये असे शिंदे गटाने म्हटले आहे.