Maharashtra Politics : बीडमध्ये शरद पवार गटाला मोठा धक्का, पंकजा मुंडेंचे वर्चस्व कायम

योगेश काशिद, साम टीव्ही, प्रतिनिधी

Beed : बीडमध्ये शरद पवार गटाला मोठा धक्का बसला आहे. वैद्यनाथ बँकेच्या निवडणुकीत राष्ट्रवादी शरद पवार गटाचे राजाभाऊ फड यांचा दारुण पराभव झाला आहे. राजाभाऊ फड यांना फक्त केवळ १४०७ मत मिळाली असून त्यांच्या समोरील उमेदवार रमेश कराड यांचा १४३१६ मतांनी विजय झाला आहे. या निवडणुकीत पहिल्यांदाच शरद पवार गटाने उमेदवार दिले होते. शरद पवार गटाचे तीन उमेदवार निवडणुकीच्या रिंगणात होते. यात प्रामुख्याने राजाभाऊ फड यांचा हा दारूण पराभव आहे. वैद्यनाथ बँकेच्या निवडणुकीत पहिल्यांदाच मुंडे बहीण भाऊ एकत्र होते. पंकजा मुंडे यांनी आपले वर्चस्व कायम राखल्याचे दिसून आले.