Maharashtra Politics: महायुतीत भाजपला कडू का नकोत? प्रहारच्या विलिनीकरणाला भाजपचा विरोध?

विदर्भाचा आक्रमक चेहरा म्हणून ओळखले जाणारे बच्चू कडू हे आपला प्रहार जनशक्ती पक्ष शिंदेसेनेत विलीन करणाच्या तयारीत आहेत..मात्र या विलिनीकरणामुळे भाजपच्या गोटात कमालीची अस्वस्थता पसरल्याची चर्चा आहे. बच्चू कडूंचा शिंदेसेनेत पक्षप्रवेश रोखण्यासाठी विदर्भातील नेत्यांनी थेट केंद्रीय मंत्र्यांशी संपर्क साधल्याची माहिती सूत्रांनी दिलीय. भाजपचे केंद्रीय आणि राज्यातील नेतृत्व शिंदेसेनेवर दबाव वाढवून प्रहारचे विलिनीकरण रोखण्यासाठी प्रयत्नशील आहे...मात्र महायुतीत भाजपला कडू का नकोत ते पाहूया.

बच्चू कडूंनी भाजप नेते आणि मुख्यमत्र्यांच्या विरोधात सातत्यानं जाहीर टीका केलीय. लोकसभेच्या निवडणुकीत भाजपचा पराभव करण्यासाठी बच्चू कडू यांनी प्रहारच्या झेंड्याखाली उमेदवार उतरवले होते. बच्चू कडूंना ग्रामीण भागात मिळत असलेल्या पाठिंब्यामुले ग्रामपंचायत आणि जिल्हा परिषद निवडणुकांमध्ये भाजपचे नुकसान होण्याची शक्यता आहे.

याशिवाय दिव्यांग नागरिकांचा बच्चू कडूंना मोठं समर्थन आहे. बच्चू कडूंसारख्या आक्रमक नेता शिंदेसेनेत गेल्यास भाजपची बालेकिल्ला असलेल्या विदर्भात आणि विशेषत: अमरावतीत डोकेदुखी वाढू शकते.

बच्चू कडू यांनी आपल्या पक्षाचं शिंदेसेनेत विलिनीकरण केल्यास महायुतीतली समीकरणंही बदलण्याची शक्यता आहे. त्यामुळे कडूंच्या शिंदेसेनेतल्या प्रवेशाला खोडा घालण्यात भाजपला यश येणार की शिंदे कडूंना आपल्या पक्षात घेऊन भाजपला विदर्भात शह देणार याचीच उत्सुकता आहे.