२०२४ च्या लोकसभा निवडणुकीसाठी सत्ताधाऱ्यांसह विरोधकांनीही मोर्चेबांधणी सुरू केली आहे. केंद्र सरकारला पराभूत करण्यासाठी विरोधकांनी मोट बांधली असून इंडिया आघाडीच्या नेतृत्वाखाली अनेक पक्ष एकत्र आले आहेत. यामध्ये लवकरच प्रकाश आंबेडकर यांच्या वंचित बहुजन आघाडीलाही स्थान मिळणार असल्याची माहिती विश्वसनीय सूत्रांनी दिली आहे.
याबाबत सविस्तर माहिती अशी की, वंचित बहुजन आघाडीचे नेते प्रकाश आंबेडकर (Prakash Ambedkar) यांनी इंडियामध्ये (India Allience) सहभागी होण्याची इच्छा अनेकदा व्यक्त केली होती. मात्र राष्ट्रवादी (NCP) आणि कॉंग्रेसकडून वंचितच्या सहभागाला विरोध असल्याचे सांगण्यात येत होते.
परंतु आता लवकरच वंचितलाही इंडिया आघाडीमध्ये सहभागी करण्यात येणार असल्याची माहिती राष्ट्रवादीच्या वरिष्ठ नेत्याने दिली आहे. इंडियामध्ये सहभागी होण्यासाठी ज्यांची इच्छा आहे त्या सर्वांचा समावेश केला जाईल, अशी माहिती विश्वसनीय सुत्रांनी सामटीव्हीला दिली.
काही महिन्यांपूर्वी राष्ट्रवादीचे अध्यक्ष शरद पवार (Sharad Pawar) आणि प्रकाश आंबेडकर यांच्यात झालेल्या बैठकीत वंचित आघाडीच्या सहभागाविषयी सकारात्मक चर्चा झाल्याचे सांगण्यात येत आहे. दुसरीकडे, आम्हाला इंडियात सामील करुन घेण्याबाबत अद्याप कोणताही प्रतिसाद आला नसल्याची माहिती वंचितचे अध्यक्ष प्रकाश आंबेडकर यांनी साम टिव्हीला दिली आहे. (Latest Marathi News)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.