Maharashtra Politics
Maharashtra PoliticsSaam Tv News

Maharashtra Politics : बाप-लेकांमध्ये राजकीय आखाडा; दोन्ही राष्ट्रवादीत वडिलांविरोधात मुलांनी ठोकले शड्डू

Vidhan Sabha Election/NCP : नरहरी झिरवळ यांचा मुलगा गोकुळ झिरवळ यांनी आगामी विधानसभेत थेट वडिलांविरोधात निवडणूक लढवण्याची घोषणा केलीय. तर अनिल देशमुख यांच्या काटोल मतदारसंघातून त्यांचा मुलगा सलील देशमुख निवडणूक लढवण्यासाठी इच्छुक असल्याची चर्चा आहे.
Published on

तन्मय टिल्लू, साम टीव्ही प्रतिनिधी

राज्यात लोकसभेनंतर विधानसभा निवडणुकीकडे संपूर्ण राज्याचं लक्ष लागलंय. सर्व राजकीय पक्षांनी विधानसभा निवडणुकीच्या अनुषंगानं रणनिती आखलीये. अशातच राज्यात पितापुत्रांमध्येच राजकीय कलह होण्याची शक्यता आहे. एकीकडे दिंडोरीत अजित पवार गटाचे आमदार नरहरी झिरवळ यांचा मुलगा गोकुळ झिरवळ यांनी शरद पवारांच्या राष्ट्रवादी मेळाव्याला हजेरी लावली. त्यामुळे अजितदादांना हा मोठा धक्का मानला जातोय. मात्र त्यापेक्षा मोठं म्हणजे गोकुळ झिरवळ यांनी आगामी विधानसभेत थेट वडिलांविरोधात निवडणूक लढवण्याची घोषणा केलीय.

शरद पवारांच्या राष्ट्रवादीतही काही वेगळं चित्र नाही. राज्याचे माजी गृहमंत्री अनिल देशमुख यांच्या काटोल मतदारसंघातून त्यांचा मुलगा सलील देशमुख निवडणूक लढवण्यासाठी इच्छुक असल्याची चर्चा आहे. त्यामुळे विधानसभेत देशमुख बाप-लेकातही सामना रंगतो की काय अशी चिन्ह आहेत.

गोकुळ झिरवाळ हे शरद पवारांच्या राष्ट्रवादीकडून लोकसभा निवडणूक लढवण्यास इच्छुक होते. मात्र दिंडोरी लोकसभा मतदारसंघातून भास्कर भगरे यांना उमेदवारी मिळाली. त्यामुळे गोकुळ झिरवळ आता विधानसभेत वडिलांविरोधात मैदानात उतरण्यास तयार आहेत. दुसरीकडे सलील देशमुख हे विधानसभेसाठी इच्छूक आहेत.

Maharashtra Politics
Sassoon Hospital : 'ससून'चा आणखी एक कारनामा; डॉक्टरच उठला रुग्णांच्या जीवावर, 'साम'च्या बातमीनंतर डॉक्टरचं निलंबन

काही दिवसांपूर्वी सलील देशमुख यांनी ज्येष्ठ नेते शरद पवार आणि संजय राऊतांची भेट घेऊन निवडणूक लढवण्याची इच्छा व्यक्त केली होती. त्यामुळे मोठ्या देशमुखांना संधी मिळणार की छोट्या याबाबत उत्सुकता आहे. पक्षफुटी नंतर मोठ्या प्रमाणात युवा चेहऱ्यांना संधी मिळेल अशी घोषणा शरद पवारांनी केली होती. त्यामुळे दिंडोरी आणि काटोलमध्ये मुलंच निवडणूक लढवणार की बाप-लेकांमध्ये सामना रंगणार याकडे लक्ष आहे.

Maharashtra Politics
Special Report : मनोरमा खेडकरांच्या डिमांडने पोलीसही हैराण?; तुरूंगात चक्क फळं आणि चॉकलेटची मागणी?

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Marathi News | Saam TV
saamtv.esakal.com