Maharashtra Politics: NCP च्या विलीनीकरणाचा निर्णय सुनेत्रा पवार घेणार; मंत्री छगन भुजबळांनी दिले सूचक संकेत

अजितदादांच्या मृत्यूनंतर दोन्ही राष्ट्रवादीच्या विलिनीकरणाची चर्चा सुरु झाली.. दोन्ही राष्ट्रवादीकडून दावे प्रतिदावे केले गेले. मात्र आता अन्न व नागरी पुरवठा मंत्री छगन भुजबळांनी विलिनीकरणाचा निर्णय सुनेत्रा पवार घेतील, असं म्हणत विलिनीकरणाचे सूचक संकेत दिलेत.

पवारांच्या राष्ट्रवादीकडून सातत्यानं विलिनीकरणाबाबत आग्रही भूमिका मांडली जात होती.मात्र दादांच्या राष्ट्रवादीच्या नेत्यांनी विलिनीकरणाला घाई का? असा सवाल करुन पवारांच्या राष्ट्रवादीची कोंडी केली होती.. त्यामुळेच पवारांच्या राष्ट्रवादीचे प्रदेशाध्यक्ष शशिकांत शिंदेंनी विलिनीकरणाचा विषय आपल्याकडून बंद झाल्याचं म्हटलंय.

त्यामुळे पवारांच्या राष्ट्रवादीच्या नेत्यांनी विलिनीकरणाचा विषय थांबवल्याचं म्हटलं असलं तरी कुटुंब आणि आपला पक्ष मजबूत करण्यासाठी सुनेत्रा पवार काय निर्णय घेणार हे पाहणं आता महत्वाचं असेल.. मात्र विलिनीकरणाचा मुहुर्त नेमका कधी ठरणार.याकडे राज्याचं लक्ष लागलंय