Beed News: मोठी बातमी! बीड शिवसेना जिल्हाप्रमुखांची हकालपट्टी; सुषमा अंधारेंना मारहाण केल्याच्या दाव्यानंतर कारवाई

उद्या बीडमध्ये महाप्रबोधन यात्रा होत आहे. त्याआधीच बीडमध्ये ठाकरे गटातील वाद चव्हाट्यावर आला आहे.
Beed Shivsena News
Beed Shivsena NewsSaamtv

Maharashtra Politics: उद्धव ठाकरे शिवसेना पक्षाच्या उपनेत्या सुषमा अंधारे यांना, "मी दोन चापटा लावल्याचा दावा करणाऱ्या" बीड जिल्हाप्रमुख आप्पासाहेब जाधव आणि संपर्कप्रमुख धोंडू पाटील यांची उद्धव ठाकरे शिवसेना पक्षातून हकालपट्टी करण्यात आली आहे. उद्या बीडमध्ये महाप्रबोधन यात्रा होत आहे. त्याआधीच बीडमध्ये ठाकरे गटातील वाद चव्हाट्यावर आला आहे. त्यामुळे या सभेकडे सर्वांचे लक्ष लागले आहे. (Beed Shivsena News)

Beed Shivsena News
Shushma Andhare News: होय... मी सुषमा अंधारेंच्या कानशिलात लगावली; ठाकरे गटाच्या जिल्हाप्रमुखाने जारी केला VIDEO

याबाबत अधिक माहिती अशी की, उद्या बीडमध्ये महाप्रबोधन यात्रा होत आहे. याच पार्श्वभूमीवर काल सायंकाळी शिवसेनेच्या (Shivsena) उपनेत्या सुषमा अंधारे यांच्यासह संपर्कप्रमुख धोंडू पाटील, शिवसेना जिल्हाप्रमुख अनिल जगताप आणि जिल्हाप्रमुख आप्पासाहेब जाधव, उपजिल्हाप्रमुख गणेश वरेकर यांच्यासह पदाधिकारी हे, बीड शहरातील माने कॉम्प्लेक्स परिसरातील सभा स्थळाची पाहणी करण्यासाठी गेले होते.

यावेळी उपजिल्हाप्रमुख गणेश वरेकर यांनी जिल्हाप्रमुख आप्पासाहेब जाधव यांना मारहाण केल्याची माहिती समोर आली होती. मात्र त्यानंतर काही वेळात जिल्हाप्रमुख आप्पासाहेब जाधव यांनी स्वतः व्हिडिओ जारी करत, शिवसेना उपनेत्या सुषमा अंधारे यांच्यावर गंभीर आरोप केले होते. (Latest Marathi News)

Beed Shivsena News
Sanjay Raut : देवेंद्र फडणवीसांना बोलू द्या, ते बोलल्याने आमच्या जागा वाढणार आहेत; संजय राऊतांचा सणसणीत टोला

पैसे घेऊन पद वाटप करतात, यासह अनेक गंभीर आरोप या व्हिडिओमधून जाधव यांनी केले होते. यामुळेच मी त्यांना दोन चापटा लावल्या असा दावा देखील व्हिडिओ जारी करत आप्पासाहेब जाधव यांनी केला होता. या दाव्यानंतर आप्पासाहेब जाधव यांच्यावर पक्षविरोधी कारवाई केल्यामुळे पक्षातून हकालपट्टी करण्यात आली आहे. त्यासोबतच संपर्कप्रमुख धोंडू पाटील यांनाही पदावरुन हटवण्यात आले आहे. (Maharashtra Politics)

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com