Disha Salian Case: दिशा सालियानप्रकरणी आदित्य ठाकरेंना बावनकुळेंनी दिला सल्ला, काय म्हणाले? जाणून घ्या

Disha Salian Case

एकनाथ शिंदे यांचं सरकार आणि गृहमंत्री देवेंद्र फडणवीस आकसापोटी कोणावरही कारवाई करणार नाहीत. राजकीय व्यक्ती म्हणून नाही तर त्यांच्या एकंदर व्यक्तिमत्त्वाचा विचार करून त्यांच्यावर विश्वास ठेवण्याचा सल्ला, भाजपचे प्रदेशाध्यक्ष चंद्रशेखर बावनकुळे यांनी दिशा सालियानप्रकरणी आदित्य ठाकरे यांना दिला आहे. त्याच बरोबर नुकताच पार पडलेल्या 5 राज्याच्या निवडणुकीत भाजपचा विजय झाला असून मुख्यमंत्री कोण असावं या संदर्भात आदित्य ठाकरेंनी आम्हाला सल्ला देऊ नये, असं ते म्हणाले आहेत.

दिशा सालियान मृ्त्यू प्रकरणी शिंदे सरकार आदित्य ठाकरे यांची एसआयटी मार्फत चौकशी करणार आहे. अतिरिक्त पोलिस आयुक्तांच्या नेतृत्त्वात एसआयटी हे काम करणार आहे. दिशा सालियांन मृत्यू प्रकरणात आदित्य ठाकरेंच्या चौकशीची मागणी काही आमदारांकडून सातत्याने केली जात होती. त्यामुळे आदित्य ठाकरे यांच्या अडचणीत वाढ होणार आहे. त्यावर आदित्य ठाकरे यांनी भाजपकडून आकसापोटी आणि बदनामी करण्यासाठी अशा प्रकारचे घाणेरडे आरोप केले जातात. अधिवेशन आलं की अशा पद्धतीने वातावरण निर्मिती केरण्याची त्यांची जुणी पद्धत असल्याचा आरोप आदित्य ठाकरे यांनी केला होता. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

देवेंद्र फडणवीस यांनी अजित पवार यांना लिहलेलं पत्र ट्विट केल्याप्रकरणी त्यांनी भाजपची भूमिका स्पष्ट केली आहे. भाजपने फडवणीस यांचं याबाबत अभिनंदन केलं आहे. देवेंद्र फडणवीस यांना उठून कुणीही बोलेल त्यावर जनता विश्वास ठेवणार नाही. तर छगन भुजबळ यांच्या वक्तव्यापासून सरकार अडचणीत येणार नाही. माध्यमांवर सतत चमकत राहण्यासाठी काही लोक काहीही विधान करत असतात म्हणत त्यांनी नाना पटोले यांना टोला लगावलाय. तर शिवसेना नेते संजय राऊत यांच्यासाठी नितेश राणे बोलतील अस वक्तव्य करून बावनकुळे यांनी हसू पिकवला.