Maharashtra Politics: नाराज आमदार उद्धव ठाकरेंकडे परतणार? बंडखोरांना मातोश्रीची दारं खुली?

महाराष्ट्रातील सत्तास्थापनेनंतर नुकतंच महायुती सरकारमधील मंत्रिमंडळाचा विस्तार पार पडला. यावेळी महायुतीच्या 39 मंत्र्यांनी शपथ घेतली. मंत्रिपदासाठी इच्छूक असलेल्या अनेक आमदारांना मंत्रिमंडळ विस्तारात डावलण्यात आलंय. शिंदे गटात तर नाराजीचा महापूर आल्याचं पाहायला मिळतंय.. हेच नाराज आमदार संपर्क साधण्याचा प्रयत्न करत असल्याचा मोठा दावा उद्धव ठाकरेंनी केलाय.

त्यामुळे मोठी खळबळ उडालीय. तर ठाकरेंनी संपर्क करणाऱ्या आमदारांची नावं सांगण्याचं आव्हान शिंदे गटानं दिलंय. शिंदे गटात मंत्रिपदावरून कोण-कोणते आमदार नाराज आहे ते पाहूयात.

शिंदे सेनेतील नाराज आमदार

तानाजी सावंत,आमदार,परांडा

नरेंद्र भोंडेकर,आमदार,भंडारा

विजय शिवतारे,आमदार,पुरंदर

प्रकाश सुर्वे, आमदार, मागाठाणे,

दीपक केसरकर,आमदार,सावंतवाडी

अब्दुल सत्तार,आमदार,सिल्लोड

राजेंद्र गावित,आमदार,पालघर

महायुतीच्या महाविस्तारानंतर भाजपसह दोन्ही मित्रपक्षात नारांजांची मांदियाळी दिसतेय...दुसरीकडे उद्धव ठाकरेंनी केलेल्या दाव्यामुळे पुन्हा राजकीय समीकरणं बदलणार का याची चर्चा सुरू झालीय. विधानसभेत सपाटून मार खाल्लेल्या ठाकरेंच्या शिवसेनेनं आता हिंदूत्वाची कास पुन्हा हाती घेतलीय. त्यामुळे ठाकरे मविआतून बाहेर पडून पुन्हा पक्षबांधणी करणार आणि सोडून गेलेले नाराज आमदार पुन्हा मातोश्रीवर परतणार का याकडे लक्ष आहे.