Maharashtra Politics : ठाकरे-शिंदे कार्यकर्ते आमनेसामने, पालकमंत्र्याच्या बैठकीत राडा; नेमकं काय झालं? VIDEO

बालाजी सुरवसे, साम टीव्ही, प्रतिनिधी

Maharashtra : धाराशिवमध्ये पालकमंत्र्याच्या बैठकीमध्ये गोंधळ झाल्याचे पाहायला मिळाले. या बैठकीमध्ये ठाकरे गट आणि शिंदे गट हे आमनेसामने आले. दोन्ही गटातील नेत्यांमध्ये शाब्दिक चकमक झाल्याचे पाहायला मिळाले. सुरु असलेला वाद धाराशिवचे पालकमंत्री आणि राज्याचे परिवहन मंत्री प्रताप सरनाईक यांनी मिटवला.

मिळालेल्या माहितीनुसार, धाराशिव जिल्ह्याचे पालकमंत्री प्रताप सरनाईक यांनी पवनचक्की ठेकेदार आणि शेतकरी यांची बैठक बोलावली होती. या बैठकीला शिवसेना ठाकरे गट आणि शिवसेना शिंदे गट यांच्यासह अनेकजण उपस्थित होते. बैठकीदरम्यान एका मुद्यावरुन ठाकरे गट आणि शिंदे गट हे दोन्ही गट आक्रमक झाल्याचे पाहायला मिळाले.

बैठकीदरम्यान ठाकरे गटाचे खासदार ओमराजे निंबाळकर आणि शिवसेना शिंदे गटाचे आनंद पाटील यांच्यामध्ये शाब्दिक चकमक झाल्याचे पाहायला मिळाले. यानंतर दोन्ही गटाचे कार्यकर्तेही आमनेसामने आले. शेवटी खासदार ओमराजे निंबाळकर आणि आनंद पाटील यांच्यामध्ये सुरू असलेला वाद पालकमंत्री प्रताप सरनाईक यांनी मिटवला.

'तुम्ही दोन्ही बाजूने बोलता, तुमचे मामा पवनचक्कीची गुत्तेदारी करतात आणि तुम्ही पवनचक्की वाल्यांना दाब देता असं दोन्हीकडून ढोलकी वाजवू नका', असे म्हणत बैठकीमध्येच शिवसेनेचे आनंद पाटील आणि खासदार ओमराजे निंबाळकर यांच्यामध्ये शाब्दिक चकमक झाली. त्यानंतर वातावरण तापू लागले. तेव्हा प्रताप सरनाईकांनी मध्यस्थी केले.