Ajit Pawar: इथं आधी मराठी, नंतर हिंदी; अजित पवारांचा मराठी बाणा; पाहा VIDEO

'महाराष्ट्रात पहिलं मराठी चालतं. मराठी बोलणार नाही ही भूमिका चुकीची आहे.', अशी प्रतिक्रिया उपमुख्यमंत्री अजित पवार यांनी दिली. सध्या राज्यात वारंवार मराठी भाषा बोलण्यावरून वाद निर्माण होत आहे यावर प्रतिक्रिया देताना अजित पवार यांनी आपले मत स्पष्टपणे सांगतिले. हनी ट्रॅप, दौंड गोळीबार, कंत्राटदार आत्महत्या, घाडगे मारहाण, मराठी भाषेचा मुद्दा, कृषीमंत्र्यांचा रमी खेळतानाचा व्हिडीओ या सर्व प्रकरणांमुळे सध्या राज्याचे राजकारण चांगलेच तापले आहे. यासर्व प्रकरणावर देखील राज्याचे उपमुख्यमंत्री अजित पवार यांनी प्रतिक्रिया दिली.

मराठी भाषेच्या मुदद्यावर प्रतिक्रिया देताना अजित पवार यांनी सांगितले की, 'फुले शाहू आंबेरडकरांच्या महाराष्ट्रात आधी मराठी. पण आपल्या देशात हिंदीही तितकंच महत्वाची. महाराष्ट्रात पहिलं मराठी चालतं कारण हा महाराष्ट्र आहे. मराठी बोलणारच नाही ही भूमिका योग्य नाही. प्रत्येक राज्यात त्या त्या राज्याची मातृभाषा महत्वाची आहे. इथे राहणाऱ्यांनी जर मराठी येत नसेल तर त्यांनी आदर करावा. चुकीच्या पद्धतीने रिअॅक्ट होऊ नका त्यामुळे समस्या येणार नाही.'

दौंडमधील न्यू अंबिका कला केंद्रात झालेल्या गोळीबार प्रकरणावर प्रतिक्रिया देताना अजित पवार म्हणाले की, 'दौंडमधील घटनेत राजकीय हस्तक्षेप होऊन देऊ नका. दौंडमधील घटनेची मी अधीक्षकांकडून माहिती घेतली आहे. दौंडमधील गोळीबारात कुणीही जखमी झालेले नाही. गोळीबाराच्या आवाजाने एक महिला बेशुद्ध पडली. दौंडमध्ये गरज पडली तर मकोकाही लावला जाईल.'

सध्या राज्यात गाजत असलेल्या हनी ट्रॅप प्रकरणावर प्रतिक्रिया देताना अजित पवारांनी विरोधकांवरच निशाणा साधला. 'हनी ट्रॅपची काय माहिती आहे ती आधी समोर येऊ द्या. पेन ड्राईव्हमध्ये काय आहे ते दाखवा तरी. खरोखरच पुरावे असतील तर ते सादर करावेत. प्रत्येक जण फक्त पेनड्राईव्ह दाखवत आहे.' अजित पवार यांनी विरोधकांना पेन ड्राईव्ह दाखवण्यापेक्षा त्यामध्ये काय आहे ते दाखवा असे सांगितले.

मंत्री माणिकराव कोकाटे यांचा सभागृहामध्ये रमी खेळतानाचा व्हिडीओ व्हायरल झाला होता. यावर प्रतिक्रिया देताना अजित पवार यांनी कोकाटे यांना भान ठेवून बोलावे असे सांगितले. 'माणिकराव कोकाटेंची सोमवारी भेट होईल. कोकाटेंसोबत समोरासमोर चर्चा करणार आहे. कुठल्याही नेत्यांनी भान ठेवून बोलावे. कोकाटेंना या पूर्वी दोन वेळा सूचना दिल्या होत्या.', असे अजित पवार म्हणाले.