Maharashtra Politics: महायुतीत लढायचं, विरोधकांना पाडायचं; छगन भुजबळांच्या भाजप प्रवेशाला अल्पविराम?

आगामी स्थानिक स्वराज्य संस्थांच्या निवडणुकांसाठी महायुतीनं पाडायंच नाही तर लढायचं हे सुत्र अवलंबल्याचं दिसतंय. नुकतीच याबाबत मुख्यमंत्री देवेंद्र फडणवीस, उपमुख्यमंत्री एकनाथ शिंदे आणि अजित पवार यांच्यात बैठक झाली. या बैठकीमध्ये पक्षप्रवेशाबाबत काही पथ्य महायुतीतल्या तिन्ही पक्षांनी पाळण्यावर तिघांमध्ये एकमत झाल्याचं सांगितलं जातंय..असं असलं तरी गेल्या काही दिवसांत महायुतीतच इनकमिंगसाठी गर्दी वाढलीये.कशी पाहूया.

महायुतीतच पक्षप्रवेशासाठी भाऊगर्दी

शिंदेंच्या शिवसेनेकडून ऑपरेशन टायगर

राष्ट्रवादीचे ज्येष्ठ नेते छगन भुजबळ भाजपत जाण्याच्या प्रतीक्षेत

पुणे शहरातील ठाकरे गटाचे पाच माजी नगरसेवक भाजपात

शरद पवारांच्या राष्ट्रवादीतून अजित दादांकडे मोठ्या प्रमाणात इनकमिंग

त्यामुळे आगामी काळात महायुतीतील पक्षांमधील नेत्यांचे प्रवेश हे इतर मित्र पक्षांमध्ये होताना पाहायला मिळणार नाहीत. म्हणजेच नाराज भुजबळांचा भाजपातील प्रवेश लांबणीवर पडण्याची किंवा न होण्याचीच अधिक शक्यता वर्तवली जात आहे. उलटपक्षी विरोधी पक्षातील नेत्यांचे प्रवेश करुन महायुती आणखीन मजबूत करण्याकडे कल असेल अशी माहिती सुत्रांनी दिलीये..त्यामुळे पाडायचं नाही लढायचं हे महायुतीचं सुत्र आगामी काळात मविआची डोकेदुखी वाढवणार एवढं निश्चित.