सुरज मासुरकर, प्रतिनिधी
नांदेड शासकीय रुग्णालयातील रुग्णांंच्या मृत्यूनंतर राज्याचे राजकीय वातावरणही चांगलेच तापले आहे. ट्रीपल इंजिन सरकार असूनही राज्याच्या आरोग्य व्यवस्थेचे धिंडवडे निघत आहेत, आरोग्य व्यवस्थेचे तीन तेरा वाजले आहेत.. अशी टीका शिवसेना ठाकरे गटाचे नेते उद्धव ठाकरे यांनी केली होती. त्यांच्या या टीकेला भाजप प्रदेशाध्यक्ष चंद्रशेखर बावनकुळे यांनी जोरदार प्रत्यूत्तर दिले आहे.
काय म्हणाले चंद्रशेखर बावनकुळे?
"उद्धवजी जनाची नाही मनाची असेल तर कोविडमध्ये तुम्ही केलेली लूट आठवा,ऑ क्सिजनविना महाराष्ट्रात तडफडणारे रुग्ण आठवा आणि राज्यात हे सुरू असताना तुम्ही मात्र टेंडर वाटण्यात मशगूल होतात... अशा शब्दात प्रदेशाध्यक्ष बावनकुळे (Chandrashekhar Bawankule) यांनी ठाकरेंवर टीकास्त्र सोडले.
तसेच "उद्धवजी, तुम्ही तर मृतदेहासाठी वापरायच्या बॅगध्येही कट कमिशन सोडलं नव्हतं. मृतांच्या टाळूवरील लोणी खाल्लं, तुम्हाला आरोग्य व्यवस्थेवर बोलण्याचा अधिकार आहे का?.. असा सवालही चंद्रशेखर बावनकुळे यांनी विचारला आहे.
यामध्ये पुढे चंद्रशेखर बावनकुळे यांनी "मुख्यमंत्री नागपुरात (Nagpur) का गेले नाहीत? नांदेडला का गेले नाहीत? मुख्यमंत्री घरात का बसले? असं कोण विचारतंय तर ज्यांनी अडीच वर्षे घरात बसून फेसबुकवर सरकार चालवलं ते उद्धव ठाकरे (Uddhav Thackeray) असा खोचक टोलाही लगावला.
उद्धव ठाकरेंना प्रश्न विचारला तुम्ही नांदेडला (Nanded) जाणार का? तर त्यावर ते म्हणतात मी कशाला जाऊ? माझा पक्ष चोरलाय, माझं पद गेलं. म्हणजे पदावर असताना घरी बसायचं. पद गेल्यावरही घरात बसून पत्रकार परिषद घ्यायची आणि स्वतः काही करायचं नाही हे म्हणजे उद्धवा अजब तुझा कारभार! अशी टीका चंद्रशेखर बावनकुळे यांनी केली. (Latest Marathi News)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.