Sharad Pawar Threat: जीवे मारण्याच्या धमकीनंतर शरद पवार यांच्या सुरक्षेत मोठी वाढ; पुण्यातील निवासस्थानी पोलीस फौजफाटा तैनात

अक्षय बडवे, प्रतिनिधी...

Sharad Pawar News: राष्ट्रवादी कॉंग्रेस पक्षाचे अध्यक्ष शरद पवार यांना जीवे मारण्याची धमकी आल्याने राजकीय वर्तुळात एकच खळबळ उडाली आहे. एका सोशल मीडिया अकाउंटवरुन शरद पवार यांचा उल्लेख करत तुमचाही दाभोळकर होईल अशी पोस्ट करण्यात आली होती. या धमकीनंतर शरद पवार यांच्या सुरक्षेत मोठी वाढ करण्यात आली आहे. (Maharashtra Political News)

याबाबत अधिक माहिती अशी की, राष्ट्रवादी (NCP) कॉंग्रेसचे सर्वेसर्वा जेष्ठ नेते शरद पवार यांना जीवे मारण्याची धमकी दिल्यानंतर त्यांच्या सुरक्षेत मोठी वाढ करण्यात आली आहे. सौरभ पिंपळकर या ट्विटरवर हँडलवरुन ही धमकी देण्यात आली आहे. "तुमचा देखील दाभोळकर होणार, "अशी पोस्ट करत शरद पवार यांना धमकी देण्यात आली आहे.

या धमकीनंतर त्यांच्या पुण्यातील निवासस्थानाबाहेर मोठा पोलिस बंदोबस्त तैनात करण्यात आला आहे. शरद पवार (Sharad Pawar) सध्या पुण्यात असून उद्या ते दिल्लीला रवाना होणार आहेत.त्याआधी त्यांच्या पुण्यातील निवासस्थानी सुरक्षा वाढवण्यात आली आहे. तसेच त्यांना भेटायला येणाऱ्या लोकांचीही चौकशी करुन आतमध्ये सोडण्यात येत आहे. (Maharashtra Politics)

राऊत बंधूंना धमकी...

दरम्यान, जेष्ठ नेते शरद पवार यांना धमकी आल्याने खळबळ उडाली असतानाच शिवसेना नेते संजय राऊत (Sanjay Raut) आणि सुनील राऊत यांनाही धमकीचे फोन आले आहेत. सुनील राऊत यांच्या फोनवर अज्ञाताने कॉल करुन दोघाही भावांना गोळ्या घालण्याची धमकी दिल्याचे समोर आले आहेत. एकाच दिवशी राज्यातील तीन दिग्गज नेत्यांना धमक्या आल्याने राजकीय वर्तुळात उलट सुलट चर्चा रंगल्या आहेत. (Latest Marathi News)