Maharashtra Political News: शिंदे - फडणवीस (Shinde- Fadanvis) सरकारला एक वर्ष पुर्ण होवून दोन दिवस उलटले असतानाच राज्यात नवा राजकीय भूकंप झाला आहे. राष्ट्रवादी काँग्रेसमध्ये भूकंप होण्याची शक्यता आहे. राष्ट्रवादी काँग्रेसच्या ४० आमदारांचा शिंदे फडणवीस सरकारला पाठींबा दिला आहे. त्यामुळे आता अजित पवार (Ajit Pawar) उपमुख्यमंत्री पदाची शपथ घेण्याची शक्यता आहे. अजित पवार राजभवनात दाखल झाले आहेत. (Maharashtra Political News)
९ आमदार घेणार मंत्रीपदाची शपथ...
आज सकाळपासून राष्ट्रवादीच्या आमदारांची बैठक अजित पवारांच्या (Ajit Pawar) शासकीय निवासस्थानी सुरु होती. या बैठकीनंतर अजित पवार काही आमदारांसह राजकारणाचे दिशेने जात असल्याची माहिती समोर आली आहे.
तसेच शपथविधी सोहळ्याची तयारीही सुरू झाल्याचे सांगण्यात येत आहे.यामध्ये राष्ट्रवादी (NCP) कॉंग्रेसचे ९ आमदार मंत्रीपदाची शपथ घेणार आहेत. यामध्ये छगन भुजबळ, हसन मुश्रीफ, दिलीप वळसे पाटील, अदिती तटकरे, धनंजय मुंडे, बाळासाहेब पाटील, अनिल भाईदास पाटील, संजय बनसोडे, बाबूराव अत्राम यांची नावे चर्चेत आहेत.
दरम्यान, आज सकाळी अजित पवार यांच्या निवासस्थानी एक महत्वाची बैठक झाली. या बैठकीला दिलीप वळसे पाटील छगन भुजबळ, हसन मुश्रीफ, किरण लहमाटे, सरोज अहिरे, अशोक पवार, अनिल पाटील, सुनिल टिंगरे, अमोल मिटकरी, दौलत दरोडा, अनुल बेणके, रामराजे निंबाळकर, धनंजय मुंडे, निलेश लंके, मकरंद पाटील यांचा समावेश होता. (Latest Marathi News)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.