Eknath Shinde Vs Shivsena Live: उद्या सुप्रीम कोर्टात एकनाथ शिंदे यांच्या याचिकेवर सुनावणी होणार

उद्या सकाळी १०.३० वाजता सुप्रीम कोर्टात एकनाथ शिंदे यांच्या याचिकेवर सुनावणी होणार आहे. जस्टीस सूर्यकांत आणि जस्टीस पारडीवाला यांच्या बेंच समोर सुनावणी होणार आहे. विधानसभा उपाध्यक्ष यांनी शिंदे गटाच्या १६ आमदारांना केलेल्या निलंबनाच्या आणि शिवसेनेनं नियुक्त केलेल्या गटनेत्या विरोधात याचिका दाखल केली आहे. या सुनावणीकडे सर्वांचे लक्ष लागले आहे.

शिवसेनेतील ४० पेक्षा जास्त आमदारांनी बंडखोरी केली आहे.आत मंत्री उदय सामंत हेही गुवाहाटीमध्ये पोहोचले आहेत.

शिवसेनेचे बंडखोर केलेले आमदार मुंबईत आल्यावर भूमिका बदलतील, असं मत राष्ट्रवादीचे अध्यक्ष शरद पवार यांनी आज दिल्लीत केले.

हिंमत असेल तर आधी समोर या असा इशारा, आदित्य ठाकरे यांनी आज दिला. मुंबईत शिवसेनेच्या कार्यकारणीच्या मेळाव्यात आदित्य ठाकरे बोलत होते.

औरंगाबाद: शिवसेनेतील ४० आमदारांच्या बंडखोरीनंतर राज्यातील महाविकास आघाडी सरकार अडचणीत आले आहे. बंडखोरीमुळे सध्या राजकीय वर्तुळात आरोप-प्रत्योरोप सुरू आहेत. यापार्श्वभूमीवर आता कन्नडचे आमदार उदयसिंग राजपूत यांनी ५० कोटींची ऑफर होती असा दावा केला आहे.

गुवाहाटीच्या हॉटेल रेडिसन मध्ये छत्रपती राजर्षी शाहू महाराज यांच्या जयंती निमित्त एकनाथ शिंदे आणि सर्व आमदारांनी अभिवादन केलं.

शिवसेनेला बंडखोर आमदारांनी दिलेल्या आव्हानानंतर शिवसेनेचे नेते मैदानात उतरले असून त्यांनी आता मुंबईसह राज्यभरातील शिवसैनिकांना प्रेरणा देण्यासाठी कार्यकर्ता मेळाव्याचं आयोजन केलं आहे. आज मुंबईतील दहीसर येथे झालेल्या कार्यकर्ता मेळाव्यात शिवसेना नेते संजय राऊत (Sanjay Raut) यांनी आपल्या नेहमीच्या आक्रमक शैलीत बंडखोरांचा चांगलाच समाचार घेतला आहे.

यावेळी उपस्थित शिवसैनिकांना संबोधित करताना राऊत म्हणाले, ' आपण संपुर्ण मुंबईभर कार्यकर्ता मेळावे घेत आहेत. शहाजी पाटील यांच्या वक्तव्याचा त्यांनी चांगलाच समाचार घेतला, 'बंडखोर आसामचं कौतुक करत आहेत. मग महाराष्ट्र काय स्मशान आहे का? असा सवाल त्यांनी उपस्थित केला.

दुसऱ्या पक्षात जाण्यावरून २० ते २५ बंडखोर आमदारांमध्ये मतभेद झाल्याची माहिती समोर येत आहे. दुसऱ्या पक्षात विलीन व्हावे लागेल या मुद्द्यावरुन हे मतभेद झाल्याचं विश्वसणीय सुत्रांनी सांगितलं आहे.

महाविकास आघाडी भक्कम राहील, कोर्टातही भूमिका व्यवस्थितीत राहील असा विश्वास शरद पवार यांनी सिल्व्हर ओक येथे आघाडीच्या नेत्यांसाबत पार पडलेल्या बैठकीत व्यक्त केला आहे.

माझे काही आमदारांशी पाच मिनिटांपूर्वीच बोलणं झालं असून या आमदारांनी महाराष्ट्रात यायची इच्छा व्यक्त केली असल्याची माहिती शिवसेना नेते संजय राऊत यांनी माध्यमांना दिली.