Maharashtra News Live Update: पुणे शहर काँग्रेसच्या वतीने आज थेट राजभवनावर आंदोलन

मार्केट यार्डमध्ये ३० फुटी प्रतिमेवर क्रेनमधून दुग्धाभिषेक

पुण्यातील मार्केट यार्ड परिसरात मध्यरात्री १२ वाजता दिवंगत नेते अजितदादा पवार यांच्या जयंतीनिमित्त त्यांची भव्य ३० फूट उंच प्रतिमा उभारण्यात आली.

मुसळधार पावसातही राष्ट्रवादी काँग्रेस पार्टीचे युवक उपाध्यक्ष करण गायकवाड यांनी क्रेनवर चढून अजितदादांच्या ३० फुटी प्रतिमेवर दुग्धाभिषेक करत विनम्र अभिवादन केले.

सह्याद्रीच्या कुशीत सुरू असलेल्या संततधार पावसामुळे पुणे जिल्ह्यातील चासकमान धरण ९४ टक्के भरले आहे. त्यामुळे आज दुपारपासून भीमा नदीपात्रात पाण्याचा विसर्ग करण्यात येणार असून नदीकाठच्या नागरिकांना सतर्क राहण्याचे आवाहन करण्यात आले आहे.

अमरावतीच्या चांदूर रेल्वे येथील आनंद मठातील कथित लैंगिक अत्याचार प्रकरणातील आरोपी दत्तगिरी गुरु जयरामजी महाराज यांना चांदूर रेल्वे पोलिसांनी अटक केली. गुन्हा दाखल झाल्यानंतर काही दिवसांपासून फरार असलेल्या आरोपीचा शोध पोलीस घेत होते. अखेर त्याला ताब्यात घेऊन अटक करण्यात आली. अटक केल्यानंतर आरोपीला अमरावती येथील न्यायालयात हजर करण्यात आले. न्यायालयाने आरोपीला न्यायालयीन कोठडी (एमसीआर) सुनावली. त्यानंतर त्याची कारागृहात रवानगी करण्यात आली.दरम्यान, आरोपीला अटक झाल्यानंतर तपासासाठी पोलीस कोठडी (पीसीआर) मागितली जाईल, अशी अपेक्षा व्यक्त केली जात होती. अशा प्रकारच्या प्रकरणांमध्ये आरोपीकडून इतर महिलांचेही शोषण झाले आहे का, तसेच त्यासंदर्भातील पुरावे, माहिती आणि इतर बाबींची सखोल चौकशी करण्यासाठी पोलीस कोठडी उपयुक्त ठरू शकली असती असे मत व्यक्त होत आहे.

पश्चिम विदर्भातील अमरावती, यवतमाळ, अकोला आणि बुलढाणा या चार जिल्ह्यातील सोयाबीनची उगवण न होणाऱ्या बोगस बियाणांची व्याप्ती वाढली आहे, आतापर्यंत १३ विविध बियाणे कंपनी विरुद्ध पश्चिम विदर्भात ७५ एफआयआर विविध पोलीस स्टेशन मध्ये दाखल झाल्या आहेत.. बियाणे कंपनीविरुद्ध गंभीर स्वरूपाचे गुन्हे दाखल झाले असून चार जिल्ह्यात तब्बल 12 हजार तक्रारी कृषी विभागाकडे आल्या आहेत.शेतकऱ्यांनी विविध कंपन्यांचे सोयाबीन बियाणे खरेदी करून पेरणी केली होती.

भंडारा जिल्ह्यात आज पहाटेपासून पावसानं जोरदार हजेरी लावली आहे. परिणामी भंडारा ते गोंदिया जिल्ह्यातील तिरोडाला जोडणाऱ्या खमारी येथील पुलावरून पुराचं पाणी वाहत असल्यानं या मार्गावरील वाहतुकीवर परिणाम पडला आहे. सोबतचं वैनगंगा नदीच्या पाणी पातळीत वाढ झाल्यानं भंडारा ते कारधा जुना पूल वाहतुकीसाठी पूर्णपणे बंद करण्यात आला आहे.

केंद्रीय मंत्री धर्मेंद्र प्रधान यांच्या मागणीसाठी काँग्रेस मैदानात

राहुल गांधी यांना ताब्यात घेतल्याचा निषेधार्थ काँग्रेस करणार केंद्र सरकार विरोधात आंदोलन

सकाळी १० वाजता राजभवन येथे आंदोलन

पोलिसांनी दिलेल्या माहितीनुसार, पुणे पोलिसांच्या गुन्हे शाखेला २० जुलै रोजी आंबेगाव बुद्रुक येथील साई किरण लॉज आणि गॅलेक्सी लॉज येथे महिलांकडून देहव्यापार सुरू असल्याची माहिती मिळाली. त्यानंतर पोलिसांनी बनावट ग्राहकाच्या मदतीने खातरजमा करून त्या दोन्ही ठिकाणी छापा टाकला. या कारवाईत देहव्यापारासाठी आणलेल्या ९ पीडित महिलांची सुटका करण्यात आली.

नीट पेपर फुटी प्रकरणावरून सुरू झालेल्या सीजेपी आंदोलनादरम्यान विद्यार्थ्यांवर झालेल्या लाठी हल्ल्याच्या निषेधार्थ बुलढाण्यातही इन्कलाब जिंदाबाद चे नारे लागलेत.. शहरातील जयस्तंभ चौकात क्रांतिकारी शेतकरी संघटनेचे कार्यकर्ते ॲड. प्रवीण सुरडकर यांनी डोक्याला काळ्याफिती बांधून केंद्र सरकारचा जोरदार निषेध नोंदवला आहे..