Bribe Case: मंत्रालय लाच प्रकरण; नरहरी झिरवळ राजीनामा देणार? मुख्यमंत्री फडणवीसांची पहिली प्रतिक्रिया

राज्याचे अन्न व औषध प्रशासन मंत्री नरहरी झिरवाळ यांच्या मंत्रालयातील कार्यालया लाचलुचपत प्रतिबंधक विभागाने छापा टाकत एका लिपिकाला अटक केलं होती. यावरून विरोधकांनी थेट मंत्री नरहरी झिरवाळ यांच्या राजीनाम्याची मागणी केलीय. या लाचखोरीच्या प्रकरणावरून मुख्यमंत्री देवेंद्र फडणवीस यांनी प्रतिक्रिया दिली आहे.

‘जर उद्या एखादी तक्रार मिळाली तर माझ्याही केबिनमध्ये रेड होईल’, असं मुख्यमंत्री देवेंद्र फडणवीस यांनी म्हटलंय. त्यासोबत त्यांनी मंत्री नरहरी झिरवाळ यांना क्लीन चिट दिली. लाचखोरी प्रकरणात मंत्र्यांच्या विरोधात कोणताही पुरावा नाहीये, पुरावे असल्यास एसीबी कारवाई करते, असं फडणवीस म्हणाले.

"मी अँटी करप्शन ब्युरोला पूर्णपणे स्वातंत्र्य दिलंय. उद्या माझाही कार्यालयात असा कोणी व्यवहार केला तर त्याच्यावर देखील कारवाई होईल. मंत्र्याच्या विरोधात पुरावा असता तर कारवाई झाली असती. कोणतीही कारवाई करण्याआधी एसीबी आधी माहिती घेत असते. त्यावेळचं संभाषणदेखील रेकॉर्ड केलं जातं. त्याच्या नोंदी घेतल्या जातात. आतापर्यंत समोर आलेल्या गोष्टींमधून मंत्र्यांचं कुठेही नाव आलेलं नसल्याचं फडणवीस म्हणालेत, ते राज्याचे अर्थसंकल्पीय अधिवेशनाच्या आदल्या दिवशी घेण्यात आलेल्या पत्रकार परिषदेत बोलत होते.

औषध आणि प्रशासन मंत्री नरहरी झिरवळ यांच्या विभागातील लाचखोरीचे प्रकरणाची चौकशी सुरू आहे. तर सोमवारपासून अर्थसंकल्पीय अधिवेशन सुरू होणार आहे, या अधिवेशनात यावरून गदारोळ होण्याची शक्यता आहे. मात्र आपल्या विभागातील अधिकाऱ्यांची होत असलेल्या चौकशीत सर्व काही निष्पण होईल, आपण सर्वांना उत्तर देण्यास तयार असल्याचं मंत्री नरहरी झिरवाळ यांनी स्पष्ट केलंय. दरम्यान मंत्री नरहरी झिरवाळ यांचे खासगी सचिव रामदास गाडे यांच्यावर कारवाई झालीय. झिरवाळ यांच्या खासगी सचिव रामदास गाडेंना अन्न आणि औषध प्रशासन विभागातून कार्यमुक्त करण्यात आलंय.