Maharashtra News Live Update: नरक चतुर्दशीनिमित्त श्री विठ्ठल-रुक्मिणी मंदिरात रंगीबेरंगी फुलांची आकर्षक सजावट

दीपावलीच्या मंगलमय पर्वानिमित्त नरक चतुर्दशीच्या दिवशी श्री विठ्ठल-रुक्मिणी मंदिरात विविध प्रकारच्या रंगीबेरंगी फुलांची व आकर्षक पानांची मनमोहक सजावट करण्यात आली आहे. या सजावटीसाठी सुमारे दीड टन फुलांचा वापर करण्यात आला असून, मंदिर परिसराला आकर्षक व प्रसन्न स्वरूप प्राप्त झाले आहे.

* दिवाळी पहाट निमित्त डोंबिवलीच्या प्रसिद्ध फडके रोडवर जय्यत तयारी करण्यात आली आहे.

* फडके रोडसह ग्रामदैवत गणपती मंदिराला विद्युत रोषणाई आणि फुलांची आकर्षक सजावट करण्यात आली आहे.

* परिसरात भव्य रांगोळ्या काढण्यात आल्या असून सांस्कृतिक कार्यक्रमांचे आयोजन करण्यात आले आहे.

* डोंबिवलीसह आसपासच्या शहरांतील तरुण-तरुणींच्या स्वागतासाठी फडके रोड सज्ज झाला आहे.

* दिवाळीच्या शुभेच्छांची देवाणघेवाण आणि गणपती बाप्पाच्या दर्शनासाठी पहाटेपासून कार्यक्रमांना सुरुवात होणार आहे.