Maharashtra News Live Update: सांगलीत ऊस दरासाठी स्वाभिमानी शेतकरी संघटना आक्रमक

Marathi Breaking Live Headlines Updates : शिक्षक आणि पदवीधर मतदारसंघाच्या निवडणुकीचा निकाल, पूर्णेकर हत्या प्रकरण,मनोज जरांगे, ज्ञानेश कुमार निवडणूक आयोग, हवामानाचे अपडेट, देश- विदेशातील महत्वाच्या घडामोडी वाचा एका क्लिकवर...
Maharashtra News Live Update
Maharashtra News Live UpdateSaam Tv News
Published On: 

सांगलीत ऊस दरासाठी स्वाभिमानी शेतकरी संघटना आक्रमक

ईश्वरपुर नजीकच्या बहे येथे स्वाभिमानी शेतकरी संघटनेकडून ऊस वाहतूक रोखण्यात आलीय.

कराडच्या कृष्णा साखर कारखान्यासाठी सुरू असलेली ऊस वाहतूक रोखण्यात आलीय.

सुमारे 50 ते 60 उसाच्या ट्रॅक्टर आणि बैलगाड्या रोखल्या आहेत. कृष्णा नदीवरील पुलावर स्वाभिमानीची छावणी आंदोलन

अवैध सावकारीविरोधात नांदेडमध्ये सहकार विभागाची धडक कारवाई

नांदेड जिल्ह्यात अवैध सावकारीविरोधात सहकार विभागाने धडक कारवाई केली आहे. वाडी पुयड येथे विनापरवाना सावकारीचा व्यवसाय सुरू असल्याची तक्रार सहकार विभागाला प्राप्त झाली होती.या तक्रारीनंतर 22 ऑक्टोबर रोजी संबंधित ठिकाणी तपासणी करण्यात आली.या प्रकरणी गजानन कदम यांच्याविरोधात महाराष्ट्र सावकारी अधिनियमातील कलम 39 अन्वये नांदेड ग्रामीण पोलीस ठाण्यात गुन्हा दाखल करण्यात आला आहे.

गुजरातसाठी महाराष्ट्रात जंगलतोड सुरू- राज ठाकरे

भीमाशंकरच्या जंगलात होणाऱ्या वृक्षतोडीविरोधात राज ठाकरे कर्जतमध्ये सभा घेत आहेत. यावेळी त्यांनी भाजपवर हल्लाबोल केलाय. गुजरातसाठी महाराष्ट्रात जंगलतोड केली जातेय. तोडलेली झाडं पाहून वाईट वाटलं.

षडयंत्र नीट समजून घ्या.

मी जंगलाच्या अंत्यसंस्करासाठी आलोय असं वाटलं.

महाराष्ट्रातल्या नेत्यांच्या हातात काहीच नाही.

गुजरातची दोन माणसं महाराष्ट्र चालवत आहेत.

राज्यातील नेत्यांना सत्तेची आणि पदाची भीती आहे.

भाजपने केलेली अवैध मतांच्या फेरतपासणीची मागणी निवडणूक यंत्रणेने फेटाळली

भाजपने केलेली अवैध मतांच्या फेर तपासणीची मागणी निवडणूक यंत्रणेने फेटाळल्याची माहिती आहे.

नागपूर विभाग पदवीधर मतदारसंघाचे निवडणुकीत 1 लाख 65,541 एकूण मतदानापैकी तब्बल 15,106 मत अवैध झाली होती.

त्यामध्ये भाजपची मते जास्त अवैध झाल्याचा भाजप नेत्यांचा आणि भाजप उमेदवार सुधाकर कोहळे यांचा आरोप होता.

त्यानंतर काल रात्री उशिराच भाजपने अवैध झालेल्या मतांच्या फेर तपासणीची मागणी करत तसा रीतसर अर्ज निवडणूक यंत्रणेकडे दिला होता.

शिक्षक पदवीधर मतदारसंघाच्या निकालावरून शिंदे सेनेच्या उपनेत्या शुभांगी पाटलांचा ठाकरे सेनेवर निशाणा

शिक्षक व पदवीधर मतदारसंघाच्या निवडणुकीच्या महायुतीच्या विजयानंतर शिंदे सेनेच्या उपनेत्या शुभांगी पाटील यांनी ठाकरे सेनेसह महाविकास आघाडीवर चांगला निशाणा साधला आहे, ठाकरे सेनेच्या वतीने दररोज सकाळी ईव्हीएम मशीनवरून होत असलेल्या टीकेला उच्चशिक्षित मतदारांनी बॅलेट पेपरच्या माध्यमातून उत्तर दिले असल्याचं म्हणत, ठाकरे सेनेला आता आपली लायकी कळाली असेल, असे म्हणत शिंदेसेनेच्या उपनेत्या शुभांगी पाटील यांनी ईव्हीएम मशीन वरून टीका करणाऱ्या विरोधकांचा खरपूस समाचार घेतला आहे.

नागपूर पदवीधर मतदारसंघ मतमोजणी महत्वाची अपडेट; बाद फेरीत 33 उमेदवार बाद

सुधाकर कोहळे सध्या 4,048 मतांनी पुढे आहेत. सुधाकर कोहळे यांची आघाडी कमी झाली आहे. सध्या दुसऱ्या पसंतीच्या मतांच्या मोजणीसह बाद फेरी सुरू झालीय. 33 उमेदवार बाद करण्यात आल्यानंतर प्रमुख उमेदवारांना मिळालेली मतं-

सुधाकर कोहळे 61,651

अभिजीत वंजारी 57,603

नंदुरबार पंचायत समितीवर संतप्त शेतकऱ्याचे अनोखे आंदोलन

नंदुरबार पंचायत समितीमध्ये आज शेतकऱ्यांच्या संतापाचा उद्वेग पाहायला मिळाला. अधिकाऱ्यांकडून मिळणारी अपमानास्पद वागणूक आणि प्रलंबित प्रश्नांमुळे संतप्त झालेले प्रहार संघटनेचे जिल्हाप्रमुख प्रमोद पाटील यांनी अंगाला दोरी बांधून पंचायत समितीवर धडक दिली. ग्रामसभा न घेणे, ग्रामसेवकांची मुख्यालयातील अनुपस्थिती, दूषित पाणीपुरवठा आणि रोजगार हमी योजनेतील त्रुटी अशा अनेक गंभीर प्रश्नांवर त्यांनी प्रशासनाला धारेवर धरले.

मराठवाडा पदवीधरमध्ये विजयाची आघाडी मिळताच राष्ट्रवादी शरद पवार गटाचा जल्लोष; आता शिक्षक मतदारसंघाचे वेध 

मराठवाडा पदवीधर निवडणुकीत डॉ. प्रतापसिंह पाटील यांना विजयी आघाडी मिळताच धाराशिवमध्ये कार्यकर्त्यांनी जल्लोष केला. धाराशिवच्या छत्रपती शिवाजी महाराज चौकात कार्यकर्त्यांनी घोषणाबाजी करत विजयाचा आनंद साजरा केला. ‘पदवीधर झांकी है, शिक्षक अभी बाकी है’ अशा घोषणा देत कार्यकर्त्यांनी आता शिक्षक मतदारसंघाच्या निवडणुकीचे वेध घेतले.

नागपुरात पावसाच्या सरी, सकाळपासून ढगाळ वातावरणामुळे हवेत गारवा 

नागपुरात अर्णब चक्रीवादळाच्या प्रभावामुळे शहरात पावसाने हजेरी लावली आहे. सकाळपासून ढगाळ वातावरण असल्याने हवेत गारवा जाणवत आहे. शहरातील काही भागांत तुरळक स्वरूपाच्या पावसाच्या सरी बरसल्या. दरम्यान, चक्रीवादळाच्या प्रभावामुळे विदर्भात २८ आणि २९ ऑक्टोबरला पावसाचा अंदाज वर्तवण्यात आला होता.

चांदणी चौकातून कोथरूडच्या दिशेने जाणाऱ्या जड वाहनांना बंदी; वाहतुकीत मोठा बदल

पुण्यातील कोथरूड वाहतूक विभागांतर्गत चांदणी चौकातून कोथरूडकडे जाणाऱ्या जड वाहनांसह एसटी आणि खासगी ट्रॅव्हल्स बसेसना बंदी घालण्यात आली आहे. कोथरूडकडे जाणाऱ्या वाहनांनी डुक्कर खिंड, वारजे जंक्शन, आंबेडकर चौक, वनदेवी चौक आणि पौडफाटा मार्गाचा वापर करावा.

नागपूर पदवीधर मतदारसंघाच्या मतमोजणीत सुधाकर कोहळे आघाडीवर 

नागपूर पदवीधर मतदारसंघाच्या मतमोजणीत ३१ उमेदवार बाद झाल्यानंतर सुधाकर कोहळे यांनी आघाडी घेतली आहे. सुधाकर कोहळे यांना ६१,५१६, तर अभिजीत वंजारी यांना ५७,१८२ मते मिळाली आहेत. त्यामुळे कोहळे सध्या ४,३३४ मतांनी पुढे आहेत. दरम्यान, दुसऱ्या पसंतीच्या मतांची मोजणी सुरू असून बाद फेरीतील पुढील निकालाकडे सर्वांचे लक्ष लागले आहे.

पुण्यात बनावट क्रीडा प्रमाणपत्र प्रकरणात १३ पोलिसांसह २५ जणांना अटक

पुणे : कुराश खेळाच्या बनावट क्रीडा प्रमाणपत्रांच्या आधारे शासकीय नोकऱ्या मिळवल्याच्या प्रकरणात पुणे पोलिसांनी मोठी कारवाई केली आहे. या प्रकरणात आतापर्यंत १३ पोलिसांसह २५ जणांना अटक करण्यात आली आहे. बनावट प्रमाणपत्रांसाठी ५० हजार ते ५ लाख रुपयांपर्यंत पैसे घेतले जात असल्याची माहिती समोर आली आहे. प्रत्यक्ष स्पर्धांमध्ये सहभागी न होता प्रमाणपत्रांच्या आधारे नोकरी मिळवल्याचा संशय आहे. या प्रकरणामुळे पोलीस भरती प्रक्रिया आणि क्रीडा आरक्षणाच्या गैरवापराबाबत गंभीर प्रश्न उपस्थित झाले आहेत.

जामखेडमध्ये पाण्यासाठी हंडा मोर्चा

अहिल्यानगर : जामखेड शहरातील पाणीटंचाईच्या प्रश्नावर राष्ट्रवादी काँग्रेस (शरदचंद्र पवार) पक्ष आक्रमक झाला आहे. आमदार रोहित पवार यांच्या नेतृत्वाखाली जामखेड नगरपरिषदेवर हंडा मोर्चा काढण्यात आला. या आंदोलनात महिलांनीही मोठ्या प्रमाणात सहभाग घेतला. शहरात नियमित पाणीपुरवठा करावा, दर पाच ते सहा दिवसांनी पाणी उपलब्ध करून द्यावे, उपलब्ध पाणीसाठ्याचे योग्य नियोजन करावे आणि दहीगाव-जामखेड पाणीपुरवठा योजनेचे रखडलेले काम तातडीने पूर्ण करावे, अशा मागण्या यावेळी करण्यात आल्या.

आंध्रप्रदेशात अर्णब चक्रीवादळाचा हाहाकार

आंध्रप्रदेशात अर्णब चक्रीवादळाचा हाहाकार

रायगडमध्ये पुन्हा शिवसेना-एनसीपीमध्ये संघर्षाची ठिणगी

रायगडमध्ये पुन्हा शिवसेना-एनसीपी मध्ये संघर्षाची ठिणगी

शिवसेना आमदार महेंद्र थोरवे यांची उपमुख्यमंत्री एकनाथ शिंदे यांना गळ

एकनाथ शिंदे यांची भेट घेऊन मांडली कैफीयत

आपल्याला खासदार सुनील तटकरेंकडून जीवाला धोका आहे असा महेंद्र थोरवे यांचा दावा.

मध्यस्थी न झाल्यास कार्यकर्ते टोकाचं पाऊल उचलतील अशीही मांडली भुमिका

आपल्याला संरक्षणाची गरज असल्याचीही मांडली भूमिका.

एकनाथ शिंदे यांनी काळजी करू नका. खंबीर राहा मी सोबत आहे अशा सुचना दिल्याची सुत्रांची माहीती

जय पवार यांनी घेतली सीआयडी अधिकाऱ्यांची भेट

पुण्यातील सी आय डी कार्यालयात जाऊन घेतली अधिकाऱ्यांची भेट

५ ते १० मिनिटे जय पवार यांनी केली सी आय डी अधिकाऱ्यांशी चर्चा

आज अजित पवार यांच्या अपघाताला ९ महिने पूर्ण होत आहेत आणि अपघाताचा तपास सी आय डी कडून सुरू आहे

तपासाच्या अनुषंगाने जय पवार यांनी सी आय डी अधिकाऱ्यांची भेट घेतली

सह्याद्रीच्या रक्षणासाठी राज ठाकरे मैदानात; कर्जत सभेपूर्वी वृक्षतोड झालेल्या डोंगराची पाहणी

कर्जत : मनसे अध्यक्ष राज ठाकरे यांची आज कर्जत येथे सभा होणार आहे. या सभेपूर्वी सकाळी राज ठाकरे यांनी वृक्षतोड झालेल्या डोंगरावर जाऊन प्रत्यक्ष पाहणी केली. सह्याद्रीच्या रक्षणासाठी राज ठाकरे यांनी पुढाकार घेतल्याने त्यांच्या भूमिकेकडे सर्वांचे लक्ष लागले आहे. डोंगरावरील वृक्षतोड आणि पर्यावरणाच्या मुद्द्यावरून आजच्या सभेत राज ठाकरे काय बोलणार? तसेच सह्याद्रीच्या संरक्षणासाठी कोणते आदेश देणार, याबाबत राजकीय वर्तुळात उत्सुकता निर्माण झाली आहे.

महावितरणच्या कंत्राटी कामगारांचे कुडाळमध्ये धरणे आंदोलन

कुडाळ : महावितरणच्या कंत्राटी कामगारांच्या मागण्यांसाठी महाराष्ट्र वीज कंत्राटी कामगार संघाच्या वतीने कुडाळमध्ये एकदिवसीय धरणे आंदोलन करण्यात आले. महावितरण कार्यालयाबाहेर कामगारांनी जोरदार घोषणाबाजी केली. रखडलेले किमान वेतन लागू करणे, पेट्रोल, मोबाईल व धुलाई भत्ता देणे आणि विमा संरक्षण मिळवून देणे, अशा प्रमुख मागण्या कामगारांनी केल्या. येत्या ६ नोव्हेंबरपर्यंत मागण्यांवर तोडगा न निघाल्यास राज्यभरातील कामगार दिवाळी अंधारात घालवतील, असा इशारा संघटनेने दिला आहे.

गोकुळ अध्यक्ष निवडीबाबत महायुती उद्या निर्णय जाहीर करणार

गोकुळ दूध संघाच्या अध्यक्ष निवड प्रक्रियेत वेगवान घडामोडी सुरू आहेत. महायुतीचे नेते गोकुळच्या संचालकांची भेट घेऊन गोव्यातून कोल्हापुरात परतले आहेत.

महायुतीच्या नेत्यांनी गोकुळच्या संचालकांना नेमक्या काय सूचना केल्या, याबाबत उत्सुकता आहे. गोकुळच्या अध्यक्ष निवडीबाबत महायुती उद्या सकाळी पत्रकार परिषद घेऊन निर्णय जाहीर करणार आहे.

शरद पवार उद्यापासून दुष्काळग्रस्तांशी संवाद साधणार

राष्ट्रवादी काँग्रेस शरदचंद्र पवार पक्षाचे प्रमुख शरद पवार उद्यापासून राज्यातील दुष्काळग्रस्तांशी संवाद साधणार आहेत. काही दिवस राज्यभरातील दुष्काळग्रस्तांशी संवाद साधल्यानंतर दिवाळीच्या आसपास ते दुष्काळी तालुक्यांचा दौरा करणार आहेत.

दुष्काळी तालुक्यांचा दौरा केल्यानंतर शरद पवार मुख्यमंत्री देवेंद्र फडणवीस यांची भेट घेऊन राज्यातील परिस्थितीबाबत चर्चा करणार आहेत.

लाडक्या बहिणींची दिवाळी गोड होणार; फडणवीस सरकारकडून ३४४ कोटींचा निधी मंजूर

महिला व बालविकास विभागाला ३४४ कोटी रुपयांचा निधी मंजूर करण्यात आला आहे. त्यामुळे दिवाळीपूर्वी लाडक्या बहिणींच्या खात्यात पैसे जमा होण्याची शक्यता आहे.

हा विजय पक्षासाठी प्रेरणादायी ठरेल – शशिकांत शिंदे

महाराष्ट्रातील सर्व मतदारांचे मी आभार मानतो. पुणे आणि छत्रपती संभाजीनगरसह संपूर्ण मराठवाड्यात आमचे दोन्ही उमेदवार आघाडीवर आहेत. आजही मराठवाड्यातील आणि पुण्यातील जनता पवारांवर प्रेम करते. सुशिक्षित आणि चांगले उमेदवार दिल्यानंतर असा निकाल येतो. आमच्यासाठी हा एक टर्निंग पॉइंट ठरेल. आमचे दोन्ही उमेदवार विजयी होतील, याची मला खात्री आहे. मी दोन्ही उमेदवारांचे मनापासून अभिनंदन करतो.

अध्यक्ष झाल्यानंतर विधान परिषदेची ही पहिलीच निवडणूक होती. अनेक ठिकाणी माघार घेण्याची वेळ आली होती, पण मी शेवटपर्यंत लढा दिला. माझ्या अध्यक्षपदाच्या काळात हा विजय मिळाला असून, भविष्यात पक्षासाठी प्रेरणादायी ठरेल. महाराष्ट्रात एक वेगळेच वातावरण होते. प्रचारासाठी आमचे छोट्या नेत्यांपासून मोठ्या नेत्यांपर्यंत सर्वजण आले. मित्रपक्षांनीही यावेळी साथ दिली. महायुतीच्या विरोधात ज्या पद्धतीने एकत्र काम केले, त्याचा हा परिणाम आहे.

टाकळी हाजी पोलीस चौकीसमोर महिलेचा आत्महत्येचा प्रयत्न; परिसरात खळबळ

शिरूर पोलीस ठाण्याच्या हद्दीतील टाकळी हाजी पोलीस चौकीसमोर एका महिलेने औषध प्राशन करून आत्महत्येचा प्रयत्न केला. या घटनेमुळे परिसरात खळबळ उडाली असून, पोलिसांची धावपळ सुरू झाली.

टाकळी हाजी पोलीस चौकीत तक्रार दाखल करण्यासाठी गेलेल्या महिलेची तक्रार नोंदवून घेतली नसल्याने तिने हे पाऊल उचलल्याची प्राथमिक माहिती आहे. दरम्यान, संबंधित महिलेवर शिरूर येथील एका खासगी रुग्णालयात उपचार सुरू आहेत. या घटनेमुळे शिरूर पोलिसांच्या कार्यक्षमतेवर पुन्हा प्रश्नचिन्ह निर्माण झाले आहे.

औरंगाबाद पदवीधर मतदारसंघ, आणखी दोन उमेदवार बाद

मराठवाडा पदवीधर मतदारसंघाच्या निवडणुकीत पसंतीक्रमानुसार मतमोजणी सुरू आहे. विजयासाठी आवश्यक असलेला ८८,५५८ मतांचा कोटा कोणत्याही उमेदवाराने पूर्ण न केल्याने कमी मते मिळालेल्या उमेदवारांना टप्प्याटप्प्याने वगळण्यात येत आहे.

शेवटून तिसऱ्या क्रमांकावर असलेल्या नारायण त्र्यंबक सोन्नी यांना ३२ मते मिळाली. त्यांच्या ११ मतांचे पुढील पसंतीक्रमानुसार हस्तांतरण झाले. त्यानंतर चौथ्या क्रमांकावर असलेल्या किशोरकुमार प्रकाश शिंदे यांना ३९ मते मिळाली. त्यांची वगळणी करण्यात आली असून, त्यांच्या २२ मतांचे हस्तांतरण झाले. आतापर्यंत चार उमेदवारांची वगळणी झाली असून, उर्वरित उमेदवारांच्या मतांची पुढील पसंतीक्रमानुसार मोजणी सुरू आहे

पिंपरी-चिंचवडमध्ये दोन ठिकाणी आग; लाखोंचे साहित्य जळून खाक

पिंपरी-चिंचवड शहरात आज दोन वेगवेगळ्या ठिकाणी आगीच्या घटना घडल्या. या आगीत लाखो रुपयांचे साहित्य जळून खाक झाल्याची प्राथमिक माहिती आहे. पिंपरी गावातील वैभवनगर परिसरात राडारोड्याला, तर वाल्हेकरवाडीतील गुरुद्वारा चौक परिसरात पोळी-भाजीच्या दुकानाला आग लागली.

घटनेची माहिती मिळताच अग्निशमन दलाचे जवान घटनास्थळी दाखल झाले आणि त्यांनी तातडीने आगीवर नियंत्रण मिळवले. या घटनांमुळे परिसरात काही काळ धावपळ उडाली. आगीचे नेमके कारण आणि नुकसानीचा तपशील अद्याप समजू शकलेला नाही.

आम्ही हरणारे नाही, तर लढणारे आहोत– सचिन सानप

निवडून आलेल्या उमेदवारांचे अभिनंदन. आम्ही कुठेतरी कमी पडलो. शिक्षकांचा आमदार शिक्षकच असला पाहिजे, यासाठी पुढील काळातही काम करत राहणार. या निवडणुकीत सर्व काही वापरण्यात आले, अशी प्रतिक्रिया सचिन सानप यांनी दिली. “आम्ही हरणारे नाही, तर लढणारे आहोत,” असेही ते म्हणाले.

Nagpur: नागपूर पदवीधर मतदारसंघ मतमोजणीत सुधाकर कोहळे सध्या 4275 मतांनी आघाडीवर

नागपूर -

नागपूर पदवीधर मतदारसंघ मतमोजणी महत्वाची अपडेट

बाद फेरीत 24 उमेदवार बाद झाले

सुधाकर कोहळे सध्या 4275 मतांनी पुढे

Pune: २६ व्या बाद फेरीनंतर हर्षदा देशमुख-जाधव आघाडीवर, त्यांना १ लाख ११ हजार ३४९ मते मिळाली

पुणे पदवीधर मतदारसंघाच्या निवडणुकीत प्रथम पसंतीच्या मतांची मोजणी पूर्ण झाल्यानंतरही विजयासाठी आवश्यक असलेला १ लाख १३ हजार ९५ मतांचा कोटा पूर्ण न झाल्याने पुढील पसंतीच्या मतांची मोजणी सुरू आहे.

आतापर्यंत २६ व्या बाद फेरीनंतर हर्षदा देशमुख-जाधव (राष्ट्रवादी काँग्रेस – शरद पवार पक्ष) यांना १ लाख ११ हजार ३४९ मते मिळाली आहेत,

डॉ. स्मिता योगेश जाधव यांना १ लाख २ हजार ४७९ मते मिळाली आहेत.

विजयासाठी आवश्यक असलेला कोटा पूर्ण करण्यासाठी हर्षदा देशमुख - जाधव यांना १ हजार ७५० मतांची गरज आहे.

Thane: पूर्णेकर प्रकरणात विरोधी पक्ष मेलेल्या माणसावर राजकारण करत आहे - नरेश म्हस्के

नरेश म्हस्के यांची पत्रकार परिषद

प्रदीप पूर्णेकर यांची हत्या प्रकरणात मेलेल्या माणसाच्या टाळूवरचे लोणी खाण्याचे काम विरोधी पक्ष करत आहे

ठाण्याची महापालिका निवडणूक झाली. सर्वानी एकत्रित येऊन दोन आकडी संख्या गाठता आली नाही

मात्र आता हे लोकं मेलेल्या माणसावर राजकारण करत आहेत

आम्ही बरेच दिवस शांत आहोत

उपमुख्यमंत्री एकनाथ शिंदे यांनी तर पहिल्याच दिवशी चौकशीचे आदेश दिले आहेत

Pune: पुण्यात बनावट क्रीडा प्रमाणपत्र प्रकरणात १४ पोलिसांना अटक

पुणे - बनावट क्रीडा प्रमाणपत्र प्रकरणात १४ पोलिसांना अटक

कुराश खेळाच्या बनावट क्रीडा प्रमाणपत्रांच्या आधारे शासकीय नोकऱ्या मिळवण्याचे प्रकरण

१४ पोलिसांसह २५ जणांना अटक, इतर विभागावर कायदेशीर कारवाईची टांगती तलवार

पुणे पोलिसांच्या कारवाईनंतर पोलिस दलासह राज्यभरात खळबळ

भारती प्रक्रियेतील पारदर्शकता आणि क्रीडा आरक्षणाच्या गैरवापराचा प्रश्न ऐरणीवर

Amravati: अमरावतीत शिंदेसेनेचे उमेदवार किरण सरनाईक ३६६० मतांनी आघाडीवर

अमरावती विभाग शिक्षक मतदार संघ मतमोजणी सुरुच आहे.

गेल्या २६ तासांपासून अमरावती शिक्षक मतदारसंघाची मतमोजणी सुरू आहे

१९ व्या बाद फेरी अंती शिवसेना महायुतीचे उमेदवार किरण सरनाईक ३६६० मतांनी आघाडीवर

किरण सरनाईकांना विजयासाठी ६९६६ मतांची आवश्यकता आहे

Pune: पुण्यामध्ये १७०० शिक्षक मतदानात नापास

पुणे - १७०० शिक्षक मतदानात नापास

एका शिक्षक मतदाराने मतपत्रिकेवर उमेदवारांना पसंतीक्रम देण्याऐवजी 'बरोबर'ची खूण केली होती.

शिक्षकांना उत्तरपत्रिका तपासताना चूक-बरोबरच्या खुणा करण्याची सवय असते. याच सवयीमुळे मतपत्रिकांवरही 'बरोबर'ची खूण केली का, अशी चर्चा मतमोजणी केंद्रावर रंगली.

शिक्षक मतदारसंघाच्या मतमोजणीदरम्यान एक हजार ६७३ मतपत्रिका अवैध ठरल्याने हे शिक्षक मतदान करताना नापास झाल्याची खुमासदार चर्चा सुरू होती.

Delhi: भारतीय वैमानिक स्मित मच्छर यांच्या शौर्याचा UAE कडून गौरव

दिल्ली - भारतीय वैमानिक स्मित मच्छर यांच्या शौर्याचा UAE कडून गौरव

भारतीय कॅप्टन स्मित मच्छर यांना UAE अध्यक्षांकडून सन्मान

दुबई-तेल अवीव विमानातील प्रवाशांच्या सुरक्षेसाठी दाखवलेल्या शौर्याची दखल

UAE चे अध्यक्ष शेख मोहम्मद बिन झायेद अल नाह्यान यांच्याकडून प्रथम श्रेणीचा ‘ऑर्डर ऑफ झायेद II’ प्रदान

सहवैमानिकाच्या हल्ल्यात कॅप्टन स्मित मच्छर गंभीर जखमी झाले होते

Maval: मावळमध्ये डंपरच्या धडकेत आणखी एकाचा बळी

मावळमध्ये डंपरच्या धडकेत आणखी एकाचा बळी

आतापर्यंत १४ नागरिकांचा डंपरने घेतला जीव

नागरिक संतप्त झाले असून रास्तारोको आंदोलन करत आहेत

Pune: आघाडीवर असलेले भाजपचे उमेदवार कौस्तुभ गावडे मतमोजणी केंद्रावर दाखल

पुणे - शिक्षक मतदार संघातून तब्बल ८ हजारांहून अधिक मताधिक्याने आघाडीवर असलेले भाजपचे उमेदवार कौस्तुभ गावडे मतमोजणी केंद्रावर दाखल झाले आहेत.

विरोधकांनी पराभव स्वीकारावा म्हणत स्वतःच्या विजयी घौडदीडीचे केले विश्लेषण

Pune: पुणे पदवीधर मतदारसंघाच्या मतमोजणीत स्मिता जाधव आघाडीवर

पुणे पदवीधर मतदारसंघाच्या मतमोजणीत स्मिता जाधव यांना १ लाख २ हजार ४२७ मते

हर्षदा जाधव यांना १ लाख ११ हजार २७९ मते

कोटा पूर्ण करण्यासाठी १८१६

आतापर्यंत २१ उमेदवार बाद

पुढील मतमोजणी प्रक्रिया सुरू

Rahul Gandhi: टाटा उद्योग समूहातील अंतर्गत कलहावर राहुल गांधी यांचं ट्वीट

दिल्ली - टाटा उद्योग समूहातील अंतर्गत कलहावर राहुल गांधी यांचं ट्वीट

ट्वीट करत राहूल गांधी यांनी साधला निशाणा

नागपूर पदवीधर मतदारसंघ मतमोजणी महत्वाची अपडेट

नागपूर पदवीधर मतदारसंघ मतमोजणी महत्वाची अपडेट....

सुधाकर कोहळे सध्या 4280 मतांनी पुढे..

सध्या दुसऱ्या पसंतीच्या मतांच्या मोजणीसह बाद फेरी सुरू आहे..

तळाशी असलेले उमेदवार बाद केले जात असून आतापर्यंत 16 उमेदवार बाद करण्यात आले आहे...

यूएईला जाणाऱ्या भारतीय नागरिकांना आरोग्य विमा घेण्याचा सल्ला

यूएईला जाणाऱ्या भारतीय नागरिकांना आरोग्य विमा घेण्याचा सल्ला

संयुक्त अरब अमिरातीला पर्यटनासाठी किंवा भेट देण्यासाठी जाणाऱ्या भारतीय नागरिकांनी प्रवास सुरू करण्यापूर्वी पुरेसा आणि योग्य वैद्यकीय विमा घ्यावा

दुबईतील भारतीय वाणिज्य दूतावासाचा पर्यटकांना सल्ला

पुणे शिक्षक मतदार संघात सस्पेन्स कायम

पुणे शिक्षक मतदार संघात सस्पेन्स कायम

शिक्षक मतदार संघातून आमदार जयंत आसगावकर फेरीतून बाहेर

दत्ता सावंत यांच्या सेकंड पसंतीच्या मतमोजणीला सुरुवात

कौस्तुभ गावडे विजयाच्या वाटेवर मात्र सानपांची कडवी लढत

दत्ता सावंत यांची मतं निर्णयक ठरणार

कृष्णाकाठच्या इंद्रायणीच्या भाताच्या दरवळणाऱ्या सुवासाची ‘लिंबाळी’ फुलपाखरांना भुरळ!

सांगलीच्या पलूस तालुक्यातील अमनापूर येथील कृष्णाकाठच्या समृद्ध वाफेवर पिकणाऱ्या अस्सल इंद्रायणीच्या भाताच्या सुवासाने आणि नैसर्गिक सहवासाने माणसांसोबतच फुलपाखरांनाही भुरळ घातल्याचा हा निसर्गातील अत्यंत लोभस आणि सुंदर अनुभव सध्या परिसरातील शेतकऱ्यांसाठी कुतूहलाचा विषय ठरत आहे.

मुंबई अहमदाबाद महामार्गावर मुंबई आणि ठाण्याला जाणाऱ्या लेन वर रात्रीपासून वाहतूक ठप्प

मुंबई अहमदाबाद महामार्गावर मुंबई आणि ठाण्याला जाणाऱ्या लेन वर रात्रीपासून वाहतूक ठप्प

वर्सोवा ब्रिज पासून विरार हद्दी पर्यंत २० किलोमीटर वाहनांच्या लांबच लांब रांगा लागल्या आहेत.

ठाणे येथील पुर्णेकर हत्या प्रकरणातील आंदोलनाचा मुंबई अहमदाबाद महामार्गाला फटका बसला असल्याचे वाहतूक पोलिसांकडून माहिती..

नागपुरातील २० वॉशिंग सेंटरवर पिण्याच्या पाण्याने धुतली जातात वाहने

- नागपुरातील २० वॉशिंग सेंटरवर पिण्याच्या पाण्याने धुतली जातात वाहने....शहरातील १७४ वॉशिंग सेंटरचे मनपाकडून सर्वेक्षण

- १७४ पैकी ७१ सेंटरवर विहिरीचे, तर ७८ सेंटरवर बोअरवेलच्या पाण्याचा वापर...

- २० सेंटरवर थेट नळाच्या पिण्याच्या पाण्याचा वापर होत असल्याचे सर्वेक्षणात उघड

वसई विरार शहर महानगरपालिकेच्या वृक्ष प्राधिकरण विभागाच्या वाहनाला लागली अचानक आग

वसई विरार शहर महानगरपालिकेच्या वृक्ष प्राधिकरण विभागाच्या वाहनाला लागली अचानक आग

नालासोपारा पश्चिमेकडील वृंदावन गार्डन जवळ उभ्या असलेल्या वाहनाला ही आग लागली

या दुर्घटनेत कोणतीही जीवितहानी झाली नसली तरी या आगीमध्ये वाहनाचे मोठ्या प्रमाणात नुकसान झाले आहे

मराठवाडा पदवीधर मतदारसंघाच्या मतमोजणीत काल पासून अनेक चिठ्ठ्या कर्मचाऱ्यांच्या हाती

- मराठवाडा पदवीधर मतदारसंघाच्या मतमोजणीत काल पासून अनेक चिठ्ठ्या कर्मचाऱ्यांच्या हाती.

- एका उमेदवाराचा नाम उल्लेख करत थेट चिठीतून शिवीगाळ.

- पदवी केली पश्चाताप झाला, एका चिठ्ठीत उल्लेख.

- अंशतः मान्यताप्राप्त शाळांना शंभर टक्के अनुदान द्याव

- एका उमेदवाराचे नाव घेऊन आता थांबा असे उल्लेख.

Nashik : महामार्गावर दुचाकीचा भिषण अपघात,दोन जण ठार

नाशिक-छत्रपती संभाजीनगर महामार्गावर येवल्याच्या अंदरसुल जवळ दुचाकी व टाटा सुमो गाडी यांच्यात झालेल्या अपधातात दोन जण ठार तर एक जण गंभीर जखमी झालाय.

अमरावती विभाग शिक्षक मतदार संघ मतमोजणी अपडेट

अमरावती विभाग शिक्षक मतदार संघ मतमोजणी अपडेट

गेल्या 24 तासांपासून अमरावती शिक्षक मतदार संघाची मतमोजणी सुरूच

17 व्या बाद फेरी अंती शिवसेना महायुतीचे उमेदवार किरण सरनाईक 3650 हजार मतांनी आघाडीवर...

काँग्रेस उमेदवार अदिती पोहरे ह्या शिंदे सेनेचे बंडखोर श्रीकांत देशपांडे यांच्यावर मात करत आल्या दुसऱ्या क्रमांकावर

शिवसेना पक्ष आणि चिन्ह प्रकरणी सुप्रीम कोर्टात सुनावणी

शिवसेना पक्ष आणि चिन्ह प्रकरणी सुप्रीम कोर्टात सुनावणी

दुपारी 2 नंतर सुप्रीम कोर्टात शिंदे सेनेच्या वतीने ज्येष्ठ वकील मनिंदर सिंग अणि ध्रुव मेहता करणार युक्तिवाद

पक्ष आणि चिन्ह याबाबतचा युक्तिवाद पूर्ण केल्यानंतर शिंदे सेना आमदार अपात्रता प्रकरणी आणि विधानसभा अध्यक्षांच्या अधिकाराबाबत युक्तिवाद करण्याची शक्यता

त्यामुळे सुप्रीम कोर्टातील सुनावणी कडे राज्याचे लक्ष लागले आहे

नागपूर पदवीधर निवडणुकीतील चुरस वाढली

- नागपूर पदवीधर निवडणुकीतील चुरस वाढली

- आवश्यक असलेला 75 हजार 438 मतांचा कोटा कोणताही उमेदवार गाठू शकणार नाही

- त्यामुळे उमेदवारांचे एलिमीनेशन (बाद होणे) सुरू झाले आहे

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.