Maharashtra Lagislatitve Councial Election: नाशिक शिक्षक मतदारसंघात मविआचे अमेदवार संदीप गुळवे आणि पोलिसांमध्ये बाचाबाची, पाहा Video?

Nashik Shikshak Madarsang : नाशिक शिक्षक मतदासंघाचे महाविकास आघाडीचे उमेदवार संदीप गुळवे यांनी मतदान केंद्रावर आतमध्ये मोबाईल आणल्याने पोलिसांनी आक्षेप घेतला. त्यामुळे बी.डी.भालेकर शाळेच्या मतदान केंद्रावर काही काळ गोंधळ निर्माण झाला होता.
Maharashtra Lagislatitve Councial Election
Maharashtra Lagislatitve Councial ElectionSaam Digital

नाशिक शिक्षक मतदारसंघासाठी मतदान सुरू असून बी.डी.भालेकर शाळेच्या मतदान केंद्रावर महाविकास आघाडीचे उमेदवार संदीप गुळवे आणि पोलिसांमध्ये शाब्दिक बाचाबाची झाल्याची माहिती आहे. संदीप गुळवे यांनी मतदान केंद्रावर आतमध्ये मोबाईल आणल्याने पोलिसांनी आक्षेप घेतला. मोबाईल बाहेर ठेवण्यास सांगितल्याने मतदान केंद्रावर पुन्हा काही काळ गोंधळाचं वातावरण निर्माण झालं होतं.

मोबाईल आतमध्ये घेवून येऊ नये, हा पोलिसांचा आक्षेप आहे. मात्र एखाद्या केंद्रावर गोंधळ झाल्यास कार्यकर्ते मला फोन करतील, म्हणून मोबाईल आत आणला होता. इथे पैसे वाटताना एकाला पकडले, पोलीस त्याला संरक्षण देत होते, हा प्रकार चुकीचा वाटला. मला मोबाईल आत आणू दिला नाही तशाच पद्धतीने त्याच्यावर कडक कारवाई करावी. प्रशासनानं पैसे वाटणाऱ्यांवर कारवाई करावी. लोकशाहीला काळीमा फासण्याचे हे काम.पोलिसांच्या प्रोटेक्शन खाली हे सगळं काम सुरू असल्याचा आरोप संदीप गुळवे यांनी केला आहे.

नाशिक शिक्षक मतदारसंघात धक्कादायक प्रकार समोर आला होता. शिक्षक मतदारसंघाबाहेर मतदानासाठी पैशांचं पाकिट वाटप होत असल्याचा आरोप ठाकरे गटाने केला. या पैशांच्या पाकिटावर उमेदवार किशोर दराडे यांचे नाव असल्याची माहिती समोर आली होती. मतदान केंद्राबाहेर पाकीट वाटप करणाऱ्या व्यक्तीला ठाकरे गटाने पोलिसांत नेलं आहे. या प्रकारानंतर मतदारसंघाबाहेर एकच गोंधळ पाहायला मिळाला.

Maharashtra Lagislatitve Councial Election
Chandrasekhar Bawankule : राज्यात डबल इंजिनचं सरकार असणार; चंद्रशेखर बावनकुळेंना पडला राष्ट्रवादीचा विसर? पाहा Video

या प्रकारानंतर वसंत गीते, विलास शिंदे भद्रकाली पोलीस ठाण्यात पोहोचले होते. दरम्यान या पैशांच्या पाकिटावर किशोर दराडे यांचं नाव असल्याचा आरोप करण्यात आला आहे. मतदान केंद्राबाहेर पैशांची पाकिटे सापडलेल्या ४ खाकी पाकिटात प्रत्येकी ५००० रुपये सापडले. तर पांढऱ्या रंगाच्या ४९ पाकिटात १००० रुपये होते. तर एका पाकिटात ५०० रुपये होते. पोलिसांनी एकूण ६९,५०० जप्त केले आहेत. त्यानंतर संदीप गुळवे मतदान केंद्रावर दाखल झाले होते. त्यावेळी मोबाईल मतदान केंद्रावर नेण्यावरून पोलीस आणि त्यांच्यात बाचाबाची झाली.

Maharashtra Lagislatitve Councial Election
VIDEO : नाशिकमध्ये पैशांचा पाऊस; मतदान केंद्राबाहेर उमेदवाराच्या नावाच्या ५३ पाकिटांत ५००च्या नोटा

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com