ZP Election: कोकणात पुन्हा बिनविरोध! जिल्हा परिषद आणि पंचायत समितीत भाजपचे दोन उमेदवार बिनविरोध

नगरपालिका,नगरपंचायत आणि महापालिकेनंतर आता झेडपीमध्येही भाजपकडून बिनविरोध पॅटर्न राबवला जात आहे. जिल्हा परिषद आणि पंचायत समितीमध्ये आता पुन्हा भाजपच्या दोन जागा बिनविरोध निवडून आल्या आहेत. कणकवली तालुक्यात जिल्हा परिषद व पंचायत समिती निवडणुकीत भाजपकडून ठाकरे शिवसेनेला धक्का तंत्राचा सलग सपाटा लावण्यात आला आहे.

आज सलग दुसऱ्या दिवशी खारेपाटण जिल्हा परिषदमधील ठाकरे सेनेच्या उमेदवार मीनल तळगावकर यांनी जिल्हा परिषद सदस्य पदाच्या निवडणूक रिंगणातून माघार घेतल्याने खारेपाटण जिल्हा परिषद मतदार संघातील उमेदवार प्राची इस्वलकर या बिनविरोध झाल्या. त्यानंतर सावंतवाडीतील बांदा जिल्हा परिषदेत भाजपचे उमेदवार माजी सभापती प्रमोद कामत बिनविरोध ठरले आहेत.

कणकवली तालुक्यात सुरू असलेल्या जिल्हा परिषद व पंचायत समिती निवडणुकीत भाजपाकडून ठाकरे सेनेला धक्के दिले जात आहेत. खारेपाटण जिल्हा परिषद मतदार संघातील ठाकरे सेनेच्या उमेदवार मीनल तळगावकर यांनी जिल्हा परिषद सदस्य पदाच्या निवडणुकीतून माघार घेतली. त्यामुळे प्राची इस्वलकर या बिनविरोध झाल्या आहेत. त्यामुळे कणकवली तालुक्यात बिनविरोध निवडून आलेल्या भाजपाच्या पंचायत समिती उमेदवारांची संख्या 2 तर जिल्हा परिषद 1 अशा तिघांची बिनविरोध निवड झाली आहे.

खारेपाटण जिल्हा परिषद मधील ठाकरे सेनेच्या उमेदवार मीनल तळगावकर यांनी निवडणूक रिंगणातून माघार घेतल्याने हा ठाकरेंच्या शिवसेनेला मोठा धक्का मानला जात आहे. तर भाजपने निवडणुकी आधीच जिल्हापरिषदेत आपले खाते उघडले आहेत. सावंतवाडीतील बांदा जिल्हा परिषद मतदारसंघातून भाजपचे उमेदवार माजी सभापती प्रमोद कामत बिनविरोध ठरलेत. अपक्ष उमेदवार सुशांत पांगम यांनी आपली उमेदवारी मागे घेतल्याने ते बिनविरोध निवडून आले आहेत.

ठाकरेंच्या शिवसेनेकडून बांद्यामध्ये उमेदवार देण्यात आला नव्हता. याठीकाणी अपक्ष उमेदवार रिंगणात होता मात्र या उमेदवाराने आपली उमेदवारी मागे घेतल्याने भाजपचे प्रमोद कामत हे बिनविरोध ठरले आहेत. यामुळे भाजपचे दोन उमेदवार जिल्हापरिषदेत बिनविरोध निवडून गेले आहेत.