Maharashtra Government: विद्यार्थ्यांसाठी राज्य सरकारचं 'Happy Saturday', काय आहे हा उपक्रम? जाणून घ्या

वैदेही कानेकर, साम प्रतिनिधी

मुंबई : शालेय विद्यार्थ्यांच्या अभ्यासाची चिंता कमी करण्यासाठी शासनाने हॅपी सॅटर्डे नवा उपक्रम चालू केलाय. निवडणुकाची आचार संहिता संपल्यानंतर या उपक्रमाची घोषणा होणार आहे. पुढील शालेय शिक्षण वर्षापासून या उपक्रमाची अंमलबजावणी करण्यात येणार असल्याची माहिती शासनाकडून देण्यात आलीय.

हॅपी सॅटर्डे हा उपक्रम पहिली ते दहावीच्या विद्यार्थ्यांसाठी तयार करण्यात आलाय. या उपक्रमांतर्गत वही,पुस्तक म्हणजे दप्तर शाळेत शनिवारच्या दिवशी आणावे लागणार नाही. या दिवशी विद्यार्थ्यांना शेती ,क्रीडा ,कला ,तंत्रज्ञान, विज्ञान या विषयीच्या विविध उपक्रमांचे प्रात्यक्षिक शिकवण्यात येणार, मैदानात घेऊन जाण्यात येईल. विद्यार्थ्यांना तणाव मुक्त करण्यासाठी शासनाने उपक्रम आणलाय. सध्या विद्यार्थी आणि तरुण मोबाईलमध्ये गुंतले आहेत. यामधून विद्यार्थ्यांना बाहेर काढत मैदानाकडे नेण्याचा प्रयत्न या उपक्रमातून केला जाणार आहे.