Maharashtra ATS : फोर्स वन कमांडो युनिटचं नियंत्रण आता महाराष्ट्र ATS कडे, राज्य सरकारचा मोठा निर्णय

Maharashtra ATS News : महाराष्ट्र सरकारचा सुरक्षा व्यवस्थेबाबत मोठा निर्णय! फोर्स वन कमांडो युनिटचे प्रशासकीय आणि कार्यकारी नियंत्रण आता ATS कडे सोपवण्यात येणार आहे.
Maharashtra ATS News
Maharashtra ATS News AI Image
Published On: 
Summary
  • महाराष्ट्र सरकारचा फोर्स वन कमांडो युनिटबाबत मोठा निर्णय

  • फोर्स वनचे प्रशासकीय आणि कार्यकारी नियंत्रण आता ATS कडे जाणार

  • गृह विभागाकडून १६ नोव्हेंबर २०२६ रोजी अधिकृत आदेश जारी करण्यात आला आहे.

  • फोर्स वन आणि ATS या दोन्ही यंत्रणा एकाच नेतृत्वाखाली काम करणार आहेत.

महाराष्ट्र सरकारने राज्याच्या सुरक्षा व्यवस्थेबाबत महत्त्वाचा निर्णय घेतला आहे. फोर्स वन कमांडो युनिटचे प्रशासकीय आणि कार्यकारी नियंत्रण आता महाराष्ट्र दहशतवादविरोधी पथकाकडे (ATS) सोपवण्यात येणार आहे. याबाबत गृह विभागाने १६ नोव्हेंबर २०२६ रोजी अधिकृत आदेश जारी केला आहे. या निर्णयामुळे फोर्स वन आणि ATS या दोन्ही महत्त्वाच्या सुरक्षा यंत्रणा आता एकाच नेतृत्वाखाली काम करणार असल्याची माहिती आहे.

मुंबईवर २६ नोव्हेंबर २००८ रोजी झालेल्या दहशतवादी हल्ल्यानंतर राज्याच्या सुरक्षेसाठी विशेष कमांडो पथकाची गरज लक्षात आली. त्यानंतर फोर्स वन या विशेष कमांडो युनिटची स्थापना करण्यात आली. दहशतवादी हल्ल्यांना तातडीने प्रत्युत्तर देणे, दहशतवाद्यांच्या ताब्यात असलेल्या नागरिकांची सुटका करणे आणि महत्त्वाच्या सरकारी तसेच इतर ठिकाणांचे संरक्षण करणे ही या पथकाची प्रमुख कामे आहेत.

Maharashtra ATS News
Gold Rate Today : सोन्या-चांदीच्या दरात मोठी घसरण; सोनं २,२०० रुपयांनी तर चांदी ८ हजारांनी स्वस्त

आतापर्यंत फोर्स वन आणि ATS या दोन्ही यंत्रणा स्वतंत्रपणे काम करत होत्या. मात्र, आता दोन्ही यंत्रणांचे नियंत्रण एकाच नेतृत्वाकडे दिल्यामुळे त्यांच्या कामकाजात अधिक समन्वय निर्माण होण्याची शक्यता आहे. दहशतवादी हल्ल्याची माहिती मिळाल्यानंतर त्यावर तातडीने निर्णय घेणे आणि आवश्यक ती कारवाई करणे अधिक सोपे होणार आहे.

Maharashtra ATS News
Kitchen Hacks : फ्रिजमध्ये ठेवूनही कोंथिंबीर सुकतेय? 'या' टिप्सनं कोथिंबीर राहील हिरवीगार

या निर्णयामुळे दहशतवादविरोधी मोहिमांमध्ये एखादी गंभीर घटना घडल्यास निर्णय घेण्यासाठी लागणारा वेळ कमी होऊ शकतो. राज्य सरकारच्या या निर्णयामागे महाराष्ट्राची अंतर्गत सुरक्षा अधिक मजबूत करणे हा मुख्य उद्देश आहे. दहशतवादी कारवायांना आळा घालण्यासाठी आणि कोणत्याही आपत्कालीन परिस्थितीचा वेळीच सामना करण्यासाठी ही नवी व्यवस्था महत्त्वाची ठरू शकते.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.