Maharashtra: राज्यासाठी दिलासादायक बातमी; 23 महिन्यांनंतर कोविडमुळे एकही मृत्यू नाही!

मुंबई: महाराष्ट्रासाठी एक चांगली बातमी आहे. कोरोनाच्या संकटात 23 महिन्यांनंतर पहिल्यांदाच महाराष्ट्रात कोविडमुळे (Covid-19) एकही मृत्यू झालेला नाही. महाराष्ट्रात (Maharashtra) बुधवारी कोविड-19 चे 544 नवीन रुग्ण आढळले, ज्यामध्ये ओमिक्रॉनच्या 38 केसेसचा समावेश आहे. (Maharashtra Covid Update)

आरोग्य विभागाच्या अधिकाऱ्याने सांगितले की, आज महाराष्ट्रात कोविड-19 चे 544 नवीन रुग्ण आढळून आले असून, राज्यातील एकूण रुग्णांची संख्या 78,66,924 वर पोहोचली आहे आणि मृतांची संख्या 1,43,706 वर स्थिर आहे.

हे देखील पहा-

ते म्हणाले की, नवीन प्रकरणांमध्ये, 38 प्रकरणे ओमिक्रॉन (Omicron) स्वरूपाची आहेत, त्यापैकी 37 प्रकरणे पुण्यात (Pune) आणि एक औरंगाबादमध्ये (Aurangabad) नोंदवली गेली आहे. आरोग्य विभागाच्या बुलेटिनमध्ये म्हटले आहे की, गेल्या 24 तासांत महाराष्ट्रात 1,007 लोकांनी साथीच्या आजारावर मात केली असून, एकूण संक्रमित लोकांची संख्या 77,13,575 झाली आहे. त्यात म्हटले आहे की राज्यात आता 5,643 उपचाराधीन आहेत.