Corona Update: सावधान! दिवसभरात कोरोना रुग्णांची संख्या दीडशे पार, जेएन-१ च्या रुग्णांचा आकडा चिंताजनक

Maharashtra Corona Update: गेल्या २४ तासात राज्यात १५४ नवीन रुग्ण आढळून आलेत. तर २ जणाचा झाला मृत्यू झालाय. तर आज दिवसभरात १७२ जणांना डिस्चार्ज देण्यात आलाय. आरोग्य विभागाने दिलेल्या माहितीनुसार, १ जानेवारी ते ६ जानेवारीपर्यंत राज्यात कोरोनाच्या नव्या जेएन -१ व्हेरियंटच्या रुग्णांची संख्या १३९ झालीय.
Maharashtra Corona Update
Maharashtra Corona UpdateSaam Tv
Published On

(आवेश तांदळे)

Maharashtra Corona Update:

दिवसेंदिवस राज्यातील कोरोना बाधितांची संख्या वाढत आहे. आज कोरोनाच्या १५४ नव्या रुग्णांची भर पडलीय. वाढत्या रुग्ण संख्या बघता टास्क फोर्सने खबरदारी घेण्यास सुरूवात केलीय. कोरोनाची लागण झाल्यास त्या व्यक्तीला ५ दिवस गृहविलगीकरणात ठेवण्यात येणार आहे. (Latest News)

ताप, सर्दी आणि खोकला आढळल्यास कोविड चाचणी करुन घेण्याचा सल्ला टास्क फोर्सकडून देण्यात आलाय. कोरोना झाल्यास गृह विलगीकरणात ५ दिवस राहावे. हवा खेळती राहील अशा खोलीत रहावे. इतरांना संसर्ग होऊ नये यासाठी मास्क वापरावे. घरातील ज्येष्ठ नागरिकांनी किंवा अतिजोखिम असलेल्यांनी मास्क वापरावे अशा सुचना टास्क फोर्सने दिल्यात.

Corona Update:
Corona Update:Health Department

दरम्यान आज जाहीर झालेल्या तर आजच्या दिवशी १७२ रुग्ण बरे होऊन घरी परतले आहेत. तर दोन रुग्णांचा कोरोनामुळे मृत्यू झालाय. दरम्यान राज्यातील कोरोनामधून बरे होणाऱ्या रुग्णांची टक्केवारी ९८.१७ टक्के आहे. तर मृत्यू दर हा १.८१ टक्के इतका आहे. कोरोनाचा नवा व्हेरियंट जेएन-१ च्या रुग्णांची संख्या १३९ झालीय. त्यामध्ये सर्वाधिक रुग्ण हे पुण्यातील आहेत. पुण्यात एकूण ९१ रुग्ण असून त्या खालोखाल नागपूरमध्ये ३० रुग्णांची नोंद झालीय. ठाण्यामध्ये ५ तर बीडमध्ये ३, छत्रपती संभाजीनगरमध्ये ३ आणि नांदेडमध्ये २ रुग्णांची नोंद करण्यात आली आहे.

Corona
CoronaSaam

कोरोनाच्या या नव्या व्हेरियंटचे रुग्ण वाढत असल्यामुळे केंद्र सरकारने आधीच राज्य आणि केंद्रशासित प्रदेशांना काळजी घेण्याचे आवाहन केलंय. केंद्रीय मंत्रालयाने जारी केलेल्या कोविड-१९ च्या नवीन मार्गदर्शक तत्त्वांचे पालन करण्यास सांगितलंय. जेएन-१ च्या वाढत्या केसेसमुळे आरोग्य आणि कुटुंब कल्याण विभागाने सर्व रुग्णालयांना इन्फ्लूएंझा सारखा आजार आणि श्वसनाच्या आजारावर लक्ष ठेवण्याचा सल्ला दिलाय.

Maharashtra Corona Update
Corona News : कोरोनापासुन कधी मिळणार दिलासा? गेल्या २४ तासांत १२ जणांचा मृत्यू

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com