Ausa Municipal Council Election: औसामध्ये पुन्हा एकदा राष्ट्रवादी काँग्रेस 'बाजीगर'; काँग्रेससह भाजपला मोठा झटका, नगराध्यक्ष पद अजित पवारांकडेच

राज्यभरातील नगरपरिषद, नगरपंचायतींसाठीची मतमोजणी आज सकाळी 10 वाजल्यापासून सुरू झाली. आतापर्यंत हाती आलेल्या निकालानुसार अनेक ठिकाणी भाजपनं जबरदस्त कामगिरी केली आहे. राज्यातील विविध विजयी नगसेवकांची यादी समोर येत आहे. यातील औसा नगरपरिषदेत अजित पवार गट 'दादा' ठरले.

येथे भाजपला अजित पवार गटाच्या राष्ट्रवादीनं धोबी पछाड दिलाय. २३ पैकी १७ नगरसेवक अजित पवार गटाचे निवडून आलेत. त्यासह नगराध्यक्षपदही राष्ट्रवादीकडे आलंय. तर भाजपच्या पारड्यात फक्त ६ जागा आल्या आहेत. राष्ट्रवादी काँग्रेसच्या नगराध्यक्ष पदाच्या उमेदवार परवीन शेख या १३६१ मतांनी विजयी झाल्यात. दुसरीकडे काँग्रेसला साधं खातं ही उघडता आलं नाहीये. मागील वेळी काँग्रेसाला दोन जागा मिळाल्या होत्या. यंदा मात्र त्यांना भोपळ्यावर समाधान मानावे लागले.

महाराष्ट्रातील विजयी उमेदवारांची यादी

जामनेर, अनगर आणि दोंडाईचा या तीन नगरपंचायतीमधील सर्व जागांवर भाजपचे उमेदवार बिनविरोध निवडून आलेत.

सातारा नगरपालिकेत अपक्ष उमेदवार विजयी

अपक्ष उमेदवार मयूर कांबळे आणि जयश्री जाधव विजयी

सासवड नगरपरिषद

प्रभाग ९, प्रभाग २ मधील भाजपाचे चारही उमेदवार विजयी

सासवड नगरपरिषद निवडणुकीच्या प्रभाग क्रमांक २ मधील दिनेश भिंताडे ,लिना वढणे

प्रभाग क्रमांक ९ मधील प्रदीप राऊत, प्रियंका जगताप भाजपचे उमेदवार विजयी झालेत.

चंदगड नगरपंचायत

राजर्षी शाहू विकास आघाडीचे सहा उमेदवार विजयी

तर भाजप शिवसेना युतीचे तीन उमेदवार विजयी

पालघरमधील जव्हार नगरपरिषद

जव्हार नगरपरिषदेवर भाजपची आघाडी

नगरसेवकपदाचे भाजपचे तीन, शिवसेना शिंदे गटाचा एक, तर राष्ट्रवादी शरद पवार गटाचा एक उमेदवार विजयी.

रहिमतपूर-

प्रभाग क्रमांक १ ते प्रभाग क्रमांक ५मध्ये ७ राष्ट्रवादी अजितदादा गट उमेदवार विजयी