Maharashtra Assembly Election Result: बहुमताचा आकडा गाठला, सुरुवातीचा कल महायुतीकडे, भाजप मोठ्या भावाच्या भूमिकेत!

विधानसभा निवडणुकीचा निकाल आज जाहीर होणार आहे. या निवडणुकीच्या मतमोजणीला सकाळी ८ वाजल्यापासून सुरूवात झाली आहे. महायुती की महाविकास आघाडी कोणाला बहुमत मिळणार याकडे सर्वांचे लक्ष लागले आहे. सुरूवातीच्या कलानुसार महायुती आघाडीवर आहे. महायुती १५४ जागांवर आघाडीवर असून बहुमताचा आकडा पार केल्याचे दिसत आहे. तर महाविकास आघाडी १२० जागांवर आघाडीवर आहे.

राज्यातील अनेक मतदारसंघामध्ये दिग्गज नेते आघाडीवर आहेत. राज्यातील ज्या मतदारसंघामध्ये भाजप येण्याची शक्यता आहे त्याठिकाणी महाविकास आघाडीचे उमेदवार आघाडीवर दिसत आहे. बारामतीमध्ये अजित पवार आघाडीवर आहेत तर युगेंद्र पवार पिछाडीवर आहेत. माहीम मतदारसंघामध्ये महेश सावंत आघाडीवर आहेत तर अमित ठाकरे पिछाडीवर आहे. वरळी मतदारसंघामध्ये आदित्य ठाकरे आघाडीवर आहेत. कराडमध्ये पृथ्वीराज चव्हाण पिछाडीवर आहेत.

महायुती - १५४ जागांवर आघाडीवर -

भाजप - ९२

शिवसेना शिंदे गट - ३१

राष्ट्रवादी अजित पवार गट - ३१

महाविकास आघाडी - १२० जागांवर आघाडीवर -

काँग्रेस - ४८

शिवसेना ठाकरे गट - ३२

राष्ट्रवादी शरद पवार गट - ४०

इतर - १४ जागांवर आघाडीवर -

मनसे - २

वंचित - ०

छोटे पक्ष - १२

महाराष्ट्र विधानसभा निवडणूक निकालांचे ताजे अपडेट इथं वाचा...

Maharashtra All Constituency Assembly Election results Updates