Alibaug Rename Issue: अलिबागच्या नामांतराची चर्चा; नवीन नाव सूचवलं

Alibaug Name Change: अलिबाग बदलण्याची मागणीसाठी अखिल भारतीय भंडारी महासंघाच्या शिष्टमंडळाने राहुल नार्वेकर यांची भेट घेतली होती. त्यानंतर नार्वेकर यांनी मुख्यमंत्र्यांना पत्र लिहित नामांतर करण्याची मागणी केलीय.
Maharashatra Assembly Speaker Rahul Narwekar Wrote Letter To  Chief Minister Eknath Shinde For Changing Alibaug Name
Maharashatra Assembly Speaker Rahul Narwekar Wrote Letter To Chief Minister Eknath Shinde For Changing Alibaug NameYandex

Rahul Narwekar Wrote Letter To Cm Shinde On Alibag Name Change :

औरंगाबाद, अहमदनगर, उस्मानाबादनंतर आता अलिबागचेही नाव बदलण्याची मागणी केली जात आहे. विधानसभा अध्यक्ष राहुल नार्वेकर यांनी याप्रकरणी मुख्यमंत्री एकनाथ शिंदे यांना पत्र देत नाव बदलाची मागणी केलीय.

छत्रपती शिवाजी महाराज यांच्या हिंदवी स्वराज्याच्या उभारणीत सागरी संरक्षण आणि सागरी मोहिमांना खूप महत्त्व आहे. महाराजांनी दूरदृष्टी ठेवत बलाढ्य आरमाराची उभारणी केली. समुद्रमार्गे स्वराज्याला धोका उद्भवला तर सागरी सीमेचे संरक्षण करण्याची जबाबदारी मायानाक भंडारी यांच्याकडे महाराजांनी सोपवली होती. मायानाक भंडारी हे कोकणातील भंडारी समाजाचे नेतृत्व करणारे शूर लढवय्या होते. अलिबाग येथील खांदेरी-उंदेरी बंदरावरील किल्ला आणि तेथील मायनाक भंडारी यांचा पराक्रम, चिवट संघर्ष यापुढे इंग्रजांनादेखील माघार घ्यावी लागली होती.

(साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Maharashatra Assembly Speaker Rahul Narwekar Wrote Letter To  Chief Minister Eknath Shinde For Changing Alibaug Name
Rahul Narvekar News: विधानसभा अध्यक्ष राहुल नार्वेकर यांचा ई-मेल हॅक, थेट राज्यपालांना मेसेज; कोणाची केली तक्रार?

स्वराज्याचे आरमार आणि त्यासंदर्भातील इतिहास यातील मायनाक भंडारी यांच्या या पराक्रमाचे पर्व अतिशय ऐतिहासिक आणि पुढील अनेक पिढ्यांना प्रेरणा देणारे आहे. याचा संदर्भ घेत अलिबाग शहरासह तालुक्याचे नाव “मायनाक नगरी” असे ठेवावे अशी मागणी विधानसभा अध्यक्ष ॲड. राहुल नार्वेकरांनी केलीय. या मागणीसंदर्भात ॲड. राहुल नार्वेकर यांनी मुख्यमंत्री एकनाथ शिंदे यांना दिले आहे.

अलिबाग (Alibaug) बदलण्याची मागणीसाठी अखिल भारतीय भंडारी महासंघाचे अध्यक्ष नविनचंद्र बांदिवडेकर, मुख्य सचिव प्रकाश कांबळी, सह सचिव वैभव तारी आणि प्रवक्ते शशांक पाटकर यांच्या नेतृत्वाखालील शिष्टमंडळाने राहुल नार्वेकर यांची भेट घेतली होती. ही मागणी अतिशय रास्त असून त्याची शासन स्तरावरून उचित दखल घ्यावी.

नामकरण, स्मारक उभारणी याद्वारे या मागणीची पूर्तता व्हावी, अशी शिफारस विधानसभा अध्यक्ष ॲड. राहुल नार्वेकर यांनी मुख्यमंत्री शिंदे यांना पाठविलेल्या पत्रात केलीय. अलिबागचे नाव 'मायनाक नगरी' करण्याची मागणी नार्वेकरांनी केली. परंतु विधान सभा अध्यक्षांच्या या मागणीला अलिबागमधून विरोध होऊ लागलाय.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com