Ramgiri Maharaj: मदरसे आणि चर्च सरकारने ताब्यात घ्यावेत, महंत रामगिरी महाराज यांची मागणी

सागर नाईकवाडे, साम टीव्ही

नंदुरबार: राज्यातील मदरसे आणि चर्च सरकारने ताब्यात घेतले पाहिजे. तसेच शिर्डीचे साई मंदिर आणि पंढरपूरचे विठ्ठल मंदिर सरकारने ताब्यात घेतले. मग चर्च आणि मदरसा का घेत नाही असा सवाल गोदावरी धामचे महंत रामगिरी महाराज यांनी सरकारला विचारला. ते नंदुरबार येथे माध्यमांशी बोलत होते. सध्या शासनाच्या ताब्यात भारतातील सुमारे चार लाख मठ मंदिरे आहेत. या मठ मंदिरांवर सुमारे 18 राज्य सरकारांचे नियंत्रण आहे. ज्या मठ मंदिरांची आर्थिक स्थिति भक्कम आहे ते सरकारच्या ताब्यात आहेत. सुमारे 18 राज्य सरकारांचे मठ आणि मंदिरांवर नियंत्रन आहेत.सरकारी नियंत्रणाखाली गेल्याने मठ मंदिरे लूट आणि भराष्टचाराची केंद्रे बनली आहे असा आरोपही काही साधू महंतांनी काही दिवसापूर्वी केला होता.

याच पार्श्वभूमीवर महंत रामगिरी महाराज म्हणाले, आपल्या भारत देशात अनेक मंदिरे आहेत.ज्या मंदिराचे उत्पन्न वाढले ते मंदिर सरकार ताब्यात घेते असे अनेक मंदिर सरकार ताब्यात घेते शिर्डीचे साई बाबा मंदिर असेल पंढरपूर येथील पांडुरंगाचे मंदिर असेल अनेक मंदिरे सरकारने ताब्यात घेतले आहे.परंतु भारतात असे एकही मदरसा आणि चर्च नाही जे सरकारने ताब्यात घेतले आहे. ज्या मदरसा आणि चर्चचे हजारो कोटींचे टर्न ओवर आहे त्यांना सरकारने ताब्यात का घेतले नाही? जर नियम सर्वांना सारखाच आहे. सरकार जर सर्व धर्म समभाव म्हणतात मग जो नियम हिंदुकरिता आहे तोच मुस्लिम आणि ख्रिश्चन या धर्मासाठी का नाही असा सणसणीत सवाल गोदावरी धामचे महंत रामगिरी महाराज यांनी सरकारला केला.

राज्यातील मदरसांमध्ये मध्ये कसलं शिक्षण दिले जाते याची तपासणी सरकारने केली पाहिजे.राज्यातील मदरसांमधून आतंकवादी तयार होत असल्याच्या गंभीर आरोप गोदावरीचे महंत रामगिरी महाराज यांनी केला आहे जर सरकारने हे केले नाही तर सरकारच्या विरोधात आंदोलन उभारू असा इशाराही त्यांनी दिला.तसेच कोणाला कोणत्या धर्मात जायचे हा ज्याचा त्याचा अधिकार आहे. परंतु जर कोणी हिंदू धर्माबद्दल वाईट सांगत असेल आणि त्याचे ब्रेन वाश करून धर्मांतर करत असेल त्याचा आम्ही विरोध करू असे ही ते म्हणाले