Buldhana Mahadev Koli Samaj : महादेव कोळी समाजातील युवक आक्रमक, बुलढाण्यात छेडले रास्ता रोको आंदाेलन

Buldhana News :

बुलढाणा जिल्ह्यात महादेव कोळी समाजातील काही युवकांनी आज (मंगळवार) अचानक आक्रमक हाेत टाॅवर वर चढून शोले स्टाईल आंदोलन छेडले. काही युवकांनी जिल्हाधिकारी कार्याल्यासमोर रास्ता रोको करत शासनाचा निषेध नाेंदविला. (Maharashtra News)

बुलढाणा शहरातील जिल्हाधिकारी कार्यालयासमोर गेल्या 7 दिवसांपासून म्हादेव कोळी समाजाच्या वतीने बेमुदत उपोषण, आंदाेलन करण्यात येत आहे. अनुसूचित जमातीचे प्रमाणपत्र देण्यात यावे या मुख्य मागणीसाठी उपोषण करण्यात येत आहे. या उपोषणाची अद्याप प्रशासनाने दखल घेतली नसल्याचा दावा कोळी समाजाने केला. आज काेळी समाजातील युवक आक्रमक झाल्याचे पाहयला मिळाले.

काही युवक आज सकाळी बीएसएनएल टाॅवर वर चढले. त्यांनी शोले स्टाईल आंदोलन छेडले. काही कोळी समाज बांधवांनी जिल्हाधिकारी कार्यालयासमाेर रास्ता रोको आंदोलन सुरु केले.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

सुमारे चार तास हे शोले स्टाईल आंदोलन व रास्ता रोको करण्यात आला. जोपर्यंत प्रशासन, शासन आंदोलनाची दखल घेऊन प्रमाणपत्र वितरित करीत नाही तोपर्यंत आंदोलन सुरूच राहील अशी भूमिका आंदोलकांनी घेतली.

Edited By : Siddharth Latkar