Winter Chill : दिवाळीच्या सुट्ट्या आणि गुलाबी थंडीची मजा; महाबळेश्वर १० अंशांवर

Mahabaleshwar Weather News :

महाराष्ट्राचे मिनी काश्मीर अशी ओळख असलेले महाबळेश्वर मध्ये गुलाबी थंडी पडायला आता सुरवात झाली आहे. सध्या महाबळेश्वरचा पारा ९ ते १० अंशांपर्यंत खाली आला आहे. दरम्यान महाबळेश्वरची गुलाबी थंडी आणि आल्हाददायक वातावरणाचा आनंद लुटण्यासाठी पर्यटकांची पावलं महाबळेश्वरकडे वळू लागली आहेत. (Maharashtra News)

महाबळेश्वरच्या गुलाबी थंडीचा आनंद घेण्यासाठी दर वर्षी लाखो पर्यटक महाबळेश्र्वरला येत असतात. गेल्या काही दिवसांपासून येथील पारा घसरत चालला आहे. महाबळेश्वर येथील वेण्णालेक व लिंगमळा परिसरात थंडीचे प्रमाण हळू हळू वाढत आहे.

सध्या महाबळेश्वर येथील विविध प्रेक्षणीय पॉईंट येथे पर्यटकांची वर्दळ आहे. वेण्णा लेक परिसरात पर्यटक घाेडे सवारीचा आनंद लुटताना दिसत आहेत. गुलाबी थंडीत मक्याचे कणीस आणि वेगवेगळे पदार्थांचा आनंद पर्यटक महाबळेश्वरात लुटत आहेत. दरम्यान वातावरणातील बदलांमुळे येथील स्ट्राॅबेरी उत्पादक मात्र चिंतेत पडले आहेत.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar