Unseasonal Rain In Akola : वीज कोसळली अन् सगळं संपलं; टाकळीत 20 मेंढ्यांचा मृत्यू

- हर्षदा सोनोने

Unseasonal Rain Hits Akola :

अकाेला जिल्ह्याला अवकाळी पावसाने चांगलेच झोडपले. या पावसामुळे शेतीचे माेठ्या प्रमाणात नुकसान झाले आहे. बाळापूर तालक्यातील टाकळी खोजबळ येथे रात्री झालेल्या अवकाळी पावसामुळे 20 मेढऱ्यांचा मृत्यू झाल्याची माहिती समाेर आली आहे. याबराेबरच पाच बक-या गंभीर जखमी झाल्याचे मेंढपाळाने साम टीव्हीशी बाेलताना सांगितले. (Maharashtra News)

अकोला जिल्ह्यात मध्ये रात्रीपासून मुसळधार पाऊस सुरू होता. बाळापुर तालुक्यातील टाकळी खोजबळ येथे बुलढाणा जिल्ह्यातल्या खामगाव तालुक्यातील लाखनवाडा येथील मेंढपाळ शालिकराम बिचकुले हे आपल्या मेंढऱ्यांसह टाकळी येथे आले हाेते.

टाकळी येथील शेतकरी शिवाजी पाटील यांच्या शेतामध्ये त्यांची मेंढर चरत हाेती. दरम्यान रात्रीच्या सुमारास झालेल्या विजांच्या कडकडासह मुसळधार पावसामुळे बिचकुले यांच्या 20 बकऱ्यांचा मृत्यू झाला. या घटनेत पाच बकऱ्या गंभीर जखमी झाल्या आहेत.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

या घटनेनंतर शेतकरी कुटुंब हादरुन गेले. शासनाने आम्हांला मदत करावी अशी मागणी शालिकराम बिचकुले (मेंढपाळ, लाखनवाडा जिल्हा बुलढाणा) यांनी साम टीव्हीशी बाेलताना केली.

Edited By : Siddharth Latkar