Video Viral : मुलीच्या वाढदिवसाच्या पार्टीत गाेळीबार; वडिलांसह एकास अटक

- संजय राठोड

Video Viral : यवतमाळ येथील महागाव तालुक्यातील डोंगरगाव येथे हवेत गोळीबार झाल्याची घटना नुकतीच घडली हाेती. या घटनेचा व्हिडीओ व्हायरल झाला. हा व्हिडीओ पाेलिसांपर्यंत पाेहचला. पाेलिसांनी तपास करुन या प्रकरणी दाेघांना अटक केली आहे. (yavatmal latest marathi news)

महागाव तालुक्यातील डोंगरगाव येथे मुलीच्या वाढदिवसा निमित्त एका पार्टी सुरु हाेती. या पार्टीत सहभागी झालेल्यांचे चित्रपटाच्या गाण्यावर नाच सुरु हाेता. हा नाच सुरु असतानाच एकाने हवेत गोळीबार केला. त्याचे पार्टीतल्या काहींनी व्हिडीओ चित्रण केले. त्यानंतर ताे व्हिडीओ यवतमाळ जिल्ह्यात व्हायरल (video viral) झाला. (Maharashtra News)

हा व्हिडीओ पाेलिसांपर्यंत पाेहचला. त्यानंतर स्थनिक गुन्हे शाखेने (lcb) सव्यद मुसवीर सय्यद जमील (रा. डोंगरगाव) व त्याचा पुसद येथील साथीदार मजहर खान जफरउल्ला खान यांची चाैकशी केली. चाैकशीअंती दाेघे दाेषी आढळल्यानंतर त्यांना अटक करण्यात आली. त्यांच्याकडून दोन जीवंत काडतुस आणि देशी कट्टा जप्त करण्यात आला.

Edited By : Siddharth Latkar