रस्ता दिल्या शिवाय मृतदेह उचलनार नाही, गावकऱ्यांचा पावित्रा

लातूर - गेल्या अनेक दिवसांपासून अहमदपूर तालुक्यातील चिखली गावातील स्मशानभूमीत जाण्यासाठी रस्ता नसल्याने अनेकदा नागरिकांना मोठ्या अडचणीला सामोरे जावे लागत आहे. प्रशासनाला वेळोवेळी अर्ज विनंत्या करून देखील दखल घेत नसल्याने प्रेत उचलनार नाही अशी भूमिका गावकऱ्यांनी घेतली अन प्रशासनाने रस्ता तयार करून देऊ असं आश्वासन दिल्याने अखेर हा वाद मिटला.

हे देखील पहा -

गेल्या अनेक वर्षापासून स्मशानभुमीकडे जाण्यासाठी रस्ता आहे मात्र या रस्त्यावर अतिक्रमण झाले असून पावसाने रस्त्याच्या आजूबाजूला गवत व पाण्याने साचलेले खडे आहेत प्रेत घेऊन जाण्यासाठी तारेवरील कसरत करावी लागत असल्याचे चित्र अहमदपूर तालुक्यातील चिखली गावात आहे हा रस्ता कायम स्वरूपी खुला करून दयावा अशी अनेक वेळा निवेदनाद्वारे मागणी संबंधीत प्रशासनास करण्यात आली.

मात्र हा रस्ता दुरुस्त न झाल्यांने आज प्रेताच अंत्यविधी न करण्याचा पावित्रा बौध्द समाज बांधवानी घेतला होता त्यावर तहसिल कार्यलयाच्या प्रतिनिधीनी हा रस्ता आठ ते पंधरा दिवसात पुर्ण करून देऊ असे लेखी अश्वासन दिल्यानंतर अंत्यविधी करण्यात आला. यात विस्तार अधिकारी पटेवाड, ताटेपामुलवार मंडळ अधिकारी, तलाठी गडेकर, सहाय्यक पोलीस निरीक्षक शैलेश बंकवाड, पो.कॉ महाके, ग्रामसेवक सुनिल कांबळे, सरपंच संभाजी गायकवाड व समाज बांधव उपस्थित होते.

Edited By - Shivani Tichkule