Maharashtra Politics: 'चिंधी चोराने माझ्याशी वाद घालू नये', नारायण राणेंवर प्रकाश आंबेडकरांची टीका

>> संदीप भोसले

Prakash Ambedkar On Narayan Rane:

'नारायण राणे या चिंधी चोराने माझ्याशी वाद घालू नये. मी बाबासाहेबांचा नातू आहे.' असं वक्तव्य प्रकाश आंबेडकर यांनी केलं आहे. लातूर येथे आयोजित पत्रकार परिषदेत त्यांनी केंद्रीय मंत्री नारायण राणे यांच्यावर टीका केली आहे.

नारायण राणे म्हणाले होते की, प्रकाश आंबेडकर यांना कसं माहित की, निडणुकांपूर्वी देशात जातीय दंगली घडतील. त्यामूळ त्यांची चौकशी करावी आणि पोलीसांनी त्यांना त्याब्यात घ्यावं. यावर प्रकाश आंबेडकर यांनी आपली प्रतिक्रिया देत, त्यांच्यावर टीका केली.

सरसंघचालक मोहन भागवत यांना लक्ष्य करत प्रकाश आंबेडकर म्हणाले की, आरएसएसने त्यांची हत्यारे कुठे-कुठे आहेत, त्याची यादी जाहीर करावी. मोहन भागवत यांच्याकडे AK 47 आहे, हे मला माहीत आहे. (Latest Marathi News)

ते म्हणाले, ''हे शस्त्र कशासाठी याचा खुलासा करा. तुम्ही युद्ध कोणाशी करणार आहात? तुम्हाला आम्ही जाहीर आवाहन करतो, या शस्त्राचा पाकिस्तानमध्ये जाऊन उपयोग करा.''

प्रकाश आंबेडकर म्हणाले की, मोहन भागवत यांना कधीकधी संविधानवादी आहे, असं सांगावं लागतं. पंप्रधान मोदींविषयी बोलताना ते म्हणाले, मोदींनी माझी प्रॉपर्टी शोधायचा अनेदा प्रयत्न केला. पण मी फकीर आहे.