Ladki Bahin Yojana : लाडकी बहीण योजनेत परराज्यातील बोगस लाभार्थ्यांचे रॅकेट; ११७१ बोगस लाभार्थी

संदीप भोसले 
लातूर : राज्य सरकारने महिलांसाठी सुरू केलेली लाडकी बहिण योजनेत महिलांना लाभ मिळाला आहे. मात्र या योजनेत परराज्यातील बोगस लाभार्थ्यांचे रॅकेट असल्याचे समोर आले आहे. यात जिल्ह्यात तब्बल १ हजार १७१ बोगस लाभार्थी असल्याची धक्कादायक माहिती समोर आली आहे. या सर्वांचे अर्ज रद्द करण्यात येणार असून त्यांच्यावर गुन्हे देखील दाखल करण्यात येणार असल्याचे सांगण्यात आले. 

राज्य सरकारने मागील पाच महिन्यांपूर्वी महिलांसाठी लाडकी बहिण योजना सुरू केली. या योजनेला चांगल्या प्रकारे प्रतिसाद मिळाला असून योजनेत राज्यातील महिलांनी अर्ज दाखल केले. लाभार्थी महिलांच्या खात्यात १५०० रुपये टाकण्यात आले. तर आता मार्च महिन्यापासून लाभार्थी महिलांच्या खात्यात २१०० रुपये दिले जाणार आहेत.

परराज्यातील लाभार्थ्यांचे रॅकेट 
दरम्यान या योजनेत बोगस लाभार्थी असल्याचे अनेक ठिकाणी समोर आले आहे. यामुळे या योजनेचा लाभ घेणाऱ्या महिलांची पडताळणी केली जात असून योजनेसाठी ठरवून दिलेल्या निकषांमध्ये बसणाऱ्या लाभार्थी महिलांनाच योजनेचा लाभ दिला जाणार आहे. अशातच लातूर व सांगली जिल्ह्यात परराज्यातील बोगस लाभार्थ्यांचे रॅकेट असल्याची माहिती समोर आली आहे.

११७१ बोगस लाभार्थी
राज्य सरकारच्या महत्वाकांक्षी असलेल्या लाडकी बहीण योजनेत बोगस लाभार्थींच्या मोठा आकडा समोर आला आहे. यात लातूर आणि सांगली जिल्ह्यातील अंगणवाडी सेविका असल्याच दाखून लॉगिन आयडी तयार करत जवळपास १ हजार १७१ बोगस लाभार्थ्यांचे फॉर्म भरल्याची धक्कादायक माहिती समोर आली आहे. या मागे मोठे रॅकेट आहे. 

बोगस लाभार्थ्यांचे दाखल करणार गुन्हे
दरम्यान चुकीच्या पद्धतीने शासनाची दिशाभूल करून खोटी कागदपत्रे ज्यांनी दिली असेल, ते लाभार्थी रद्द होतील. तसेच त्यांच्यावर गुन्हे देखील करण्यात येणार असल्याचं लातूर जिल्ह्याचे पालकमंत्री शिवेंद्रसिंह राजे भोसले यांनी आज लातूर येथे माध्यमांशी बोलताना सांगितले आहे.